熊黛林嫁郭可頌榮升百億人妻

8^# 大中小 young 發表於 2016-12-10 17:53 發短消息

百億郭太認慳家熊黛林：辛苦錢唔會浪費

百億新抱熊黛林想盡快生仔，已在努力中。

熊黛林（Lynn）上月27日低調嫁家族坐擁百億資產的郭可頌，之後二人各有各忙，但她不時在微博放閃晒恩愛，昨日新婚人妻Lynn應邀出席Giorgio Armani Beauty新聞發佈會，同場還有樂基兒、蔡卓妍及衛詩雅等。

Lynn現身即被叫「郭太」，她笑說：「之前唔適應，以為叫我奶奶。」百億新抱好勤力，問為何不做少奶奶？她說：「唔會，一路會做嘢，未有小朋友前會做嘢，搏命搵錢。要珍惜機會，以後有小朋友就可以少啲，𠵱家享受工作。」

「最緊要快生仔」

早前Lynn被拍到日本城等平民家品店買物品被指慳家，她說：「日用品冇需要買名牌，最緊要好用，我哋大家辛苦搵錢，冇需要浪費。」Lynn婚後曾揚言不設防造人，她笑說：「暫時未有好消息，努力中，希望可以快啲。」她直認開始調理身體，身邊好多朋友都提供生B秘方，她說：「自己會注意，例如唔好食咁多海鮮、凍嘢，我都好聽話。」問想生仔或生女？她表示：「呢個唔緊要，最緊要快，仔女冇所謂，老公身體不嬲好，我自己做呢行食冇定時，身體差啲。」Lynn又表示會學廚，她笑說：「因為管男人最緊要管住佢嘅胃，雖然佢𠵱家已經好黐家。」

早前熊黛林被影到慳家到日本城買日用品。資料圖片

阿Sa想買樓，可惜政府辣招令她卻步。

樂基兒在網上學煮中餐，並已買定新年禮物冧男友。

蔡穎恩（中）等女模出席Giorgio Armani Beauty的發佈會。

學中餐𠱁男友

樂基兒下月21日返美國過新年，並已準備禮物，她說：「買化妝品畀妹妹，媽媽就買首飾，而男友就買件衫，佢鍾意運動。」最近她在網上學煮中餐，獲男友大讚。另外，蔡卓妍（阿Sa）下星期到澳門做巡迴演唱會，之後到美加，被指賺了不少，問有否買樓投資？阿Sa說：「呢排冇，有辣招嘛，我唔係炒，攞啲唔等使嘅錢投資買吓嘢，好難賺到錢，睇吓畫，自己鍾意嗰幅成幢樓咁貴，𠵱家咁樣打擊樓市，希望可以畀啲優惠本地人。」

採訪：羅慧敏
攝影：仇志德
from:http://hk.apple.nextmedia ... 161119/19838451

TOP

9^# 大中小 young 發表於 2016-12-10 18:02 發短消息

熊黛林恰老公裸肌影婚照

着Vera Wang婚紗的熊黛林，事先張揚會積極造人。

現年36歲的熊黛林（Lynn）三年多前與郭富城（城城）分手後，各自投入新戀情，Lynn戀上郭可盈弟弟、家族坐擁百億資產的郭可頌，城城則與比他年輕23年的國產模特兒女友Moka（方媛）打得火熱。不過，Lynn比城城更快修成正果，上月27日宣佈已經嫁郭可頌，榮升郭太。

Lynn低調結婚，但人生大事，影婚紗照絕不馬虎，找來著名攝影師陳錦強（CK）操刀，於澳門連影三日結婚相。而婚照昨日終於曝光，郭可頌除了穿唐裝扮葉問，另一輯相則是Lynn在一個大鳥籠取景，她與老公在鳥籠內擒高擒低擺甫士，Lynn更不時送飛吻給老公。

穿三套婚紗

於電影中演過「葉問嫂」的Lynn，除了影相時教郭可頌扮葉問耍功夫，又大讚老公是她人生中的「葉問」，Lynn說：「我搵到自己嘅葉問喇！有人保護我喇！」她又謂：「喺影婚紗相嘅過程中，諗起當年拍拖嘅回憶，感覺好似我蝦佢多啲咁，因為佢比較就我。」婚紗方面，Lynn與不少女星一樣選擇Vera Wang，而且出動了三套，並襯以價值500萬元的Van Cleef& Arpels鑽飾。兩套白色的婚紗，一套以夢幻透紗傘形裙襬設計，與老公郭可頌的白色西裝襯到絕。另一套高領入膊款式，將性感收起，但卻另有一種高貴感，另一套就更加大玩反傳統，露背黑色的婚紗，大玩神秘感。除此以外，她更穿上泳裝，與赤膊上陣的郭可頌，在水池中嬉水。

撰文：李察

熊黛林與郭可頌為影不同主題的婚照，在澳門影足三日。

熊黛林其中一輯婚照以鳥籠為主題。

演過葉問嫂的熊黛林，笑說已找到保護她的葉問。
from:http://hk.apple.nextmedia ... 161121/19840337

TOP

10^# 大中小 young 發表於 2016-12-10 18:11 發短消息

百億郭太熊黛林出動3套Vera Wang影婚照

熊黛林(Lynn)上月27日低調嫁家族坐擁百億資產的郭可頌，低調還低調，影結婚相絕對無求求其其，二人紀錄人生大事的甜蜜婚照昨日曝光，大換造型！

女星結婚首選Vera Wang婚紗，阿Lynn影婚照就出動了三套不同款的Vera Wang，恨死港女。

阿Lynn分別選了兩套白色的婚紗，一套以夢幻的透紗傘裙襬設計，與老公郭可頌的白色西裝西裝襯絕。另一套設計呈高領入膊的cutting與優雅的象牙白色，收起性感卻另有一種高貴感。還有一套就選了反傳統的黑色婚紗，加上露背設計大玩神秘感。
from:http://hk.apple.nextmedia ... 161121/19840891

TOP

11^# 大中小 young 發表於 2016-12-10 18:15 發短消息

熊黛林PS「筷子腿」搞到牆身彎晒

雖然現在唔少女明星擺相上網都要循例「修圖」，試煉多咗「修圖」技巧已經爐火純青，不過久上「戰陣」都有失手嘅時候……好似花姨宮雪花就整到變形，Twins阿嬌小腿「加工」到地板都彎埋，今次又再出現修到「變形」嘅情況，新力軍就係……

做咗郭可頌(Ken)太太嘅熊黛林(Lynn)，早前喺澳門新濠影滙拍攝婚相，大放「閃光彈」，前日又喺微博貼出身在澳門嘅相，睇嚟Lynn都幾鍾意澳門呢撻地方，原來佢去咗澳門賽車場。

Lynn貼出靚靚post相，留言：「穿成這樣去澳門賽車場去撩妹。」不過網民見到其中一張相，Lynn對雙腳好似「筷子」咁幼，不過背景牆身變形，疑被PS過度！
from:http://hk.apple.nextmedia ... 161122/19841958

TOP

12^# 大中小 young 發表於 2016-12-10 18:56 發短消息

Lynn送絲巾賀可盈

熊黛林（左）與老公郭可頌日前為郭可盈慶生。

郭可盈明日47歲生日，日前跟媽咪三代同堂慶生，熊黛林（Lynn）上月嫁給可盈胞弟郭可頌，當然要來賀姑奶，Lynn正式融入郭家，兩公婆送絲巾給可盈，可盈昨在電話中說：「份禮物好溫暖，Lynn喺香港冇親人，我哋成家相處愉快，佢媽咪好放心將佢交畀我哋。」可盈表示生日願望全家有份，希望一切都好。

可盈不介意囡囡林天若將來選港姐：「將來先算，𠵱家灌輸佢正面思想，讀好書，知識係財富，讀好書先揀做乜嘢，到時會支持鼓勵佢，同佢分析利弊，選擇權喺佢度。」

採訪：陳杰
from:http://hk.apple.nextmedia ... 161126/19845720

TOP

13^# 大中小 young 發表於 2017-1-1 20:57 發短消息

熊黛林呻造人辛苦

熊黛林昨日出席馬場活動，獲大會贊助超過500萬元鑽飾。

熊黛林（Lynn）、羅霖、林峯、陳爽及馬德鐘等昨日出席沙田馬場「六福珠寶賽馬日」，Lynn獲大會贊助佩戴超過500萬元鑽飾行騷，她透露老公郭可頌都有送首飾，問到會否用首飾去利誘她生BB？Lynn說：「佢冇攞嘢誘惑我，但我哋努力緊，都幾辛苦，我想先生一個。」會否在港補擺婚宴？她說：「唔會搞，我哋兩個都怕煩，兩家人食飯就得。」

穿上紅色魚網裙的羅霖真空上陣，她透露上周入院做照腸鏡割瘜肉手術時，因對麻醉藥過敏，以致雙眼腫脹。而在橫店拍古裝劇的林峯，首次為角色剃頭，他直言感覺好正似「魚蛋頭」。

採訪：黃曉妍
攝影：葉君海
from:http://hk.apple.nextmedia ... 161218/19868920

TOP

14^# 大中小 young 發表於 2017-8-15 20:24 發短消息

家族百億資產郭可頌翻著去年結婚鞋配Fendi袋

熊黛林(Lynn)日前陪老公郭可頌shopping買禮物兼食生日飯，似乎係簡單二人世界。

Lynn短裙騷名模長腿，老公亦一樣短褲露腳，非常悠閒生活風。Lynn出名慳家，郭可頌亦一樣環保，只見他的一對Giuseppe Zanotti黑色皮鞋熟口熟面，原來正是去年10月，他和Lynn結婚簽紙時著住的結婚鞋！當時郭可頌著了全身的Fendi西裝，屬於趣趣地的Monster suits，他當日亦拎住Fendi clutch，可謂相當專一！
from:http://hk.apple.nextmedia ... 170814/20121226

TOP