王灝兒拍拖入馬場愛駒跑尾三JW新歡大揭秘家族擁12億被封O靘模殺手

現年26歲的中菲混血兒王灝兒（JW）近日被指與市值12億的卓悅太子爺Tarzan Ip拍拖，前日有讀者爆Tarzan的風流史兼愛炫富，傳他與媽模陳靜儀（Mia）、「藍莓」劉俐、唐貝詩等有過短暫戀情，令人擔心JW今次「落錯注」！但JW一於少理，昨現身馬場支持男友的愛駒「一支梅」出賽，可惜最終跑尾三。

黎明舊將王灝兒（JW）出道以來鮮有緋聞，一直傳她與關之琳首任丈夫王國旌的外孫Mark相戀，近日卻突爆JW與城中富二代、坐擁市值12億的卓悅太子爺Tarzan Ip拍拖。據悉Tarzan數年前由英國讀書返港後，現幫手打理家族生意。

昨午3時許，JW一身「sharp醒」橙色上衣現身沙田馬場，同行還有兩名女友人，原來男友Tarzan早已在馬場內，其出賽的馬匹是第六場7號「一支梅」，賽前Tarzan行落沙圈與練馬師及友人密密斟，JW未有跟隨。惟「一支梅」向來戰績麻麻，昨只跑尾三，Tarzan未能讓女友拉頭馬攞威。

Tarzan在愛駒出賽前，落沙圈與練馬師及朋友傾偈，但JW則沒有陪伴。

Tarzan的愛駒「一支梅」昨日只跑尾三。

讚男友勤力工作

不過JW日前受訪仍大讚Tarzan性格謙虛、夠貼地，對於男友疑是𡃁模殺手，她前日透過短訊表示百分百信任Tarzan：「我信任Tarzan，無論家人，好朋友或男友好，我一直都係信任行先。」問會否公開戀情讓男友封盤？她說：「感情事公唔公開唔係重要，都係嗰句，我信任身邊嘅人，開開心心就好啦！Tarzan係一個好勤力工作嘅人，我唔想影響佢嘅工作！」至於被指與Tarzan有過一段情的唐貝詩則說：「我喺英國讀書時識Tarzan，同佢係普通朋友，clubbing都係一大班人，完全冇追過我！以我所知佢係專一嘅人，唔係風流，係怕醜仔嚟！」

採訪：唐如、小米
攝影：譚日華

【父拉頭馬】

Tarzan的爸爸葉俊亨亦是馬主，旗下馬匹「齊大勝」去年贏出賽事，一家人一齊拉頭馬。

【水著船P】

JW曾貼出三點式的船P相，未知是否與Tarzan拍拖出海。互聯網圖片

早前JW開騷，Tarzan（右三）入後台力撐女友。微博圖片
From:http://hk.apple.nextmedia.com/entertainment/art/20161009/19795409

【傳戀貝詩】

唐貝詩在英國讀書時認識Tarzan（右），直指對方是怕醜仔！

豪畀一千蚊貼士

前日有讀者爆料，指外形肥嘟嘟的Tarzan為人花弗，未與JW拍拖前經常媾𡃁模，包括媽模Mia及「藍莓」劉俐，亦傳與唐貝詩有短暫戀情。據知情人士透露，Tarzan曾經常流連中環的Volar、Play等夜場，與友人爭畀錢埋單，有傳他試過一晚請全場人飲幾round Dom Perignon名貴香檳，一個周末玩兩日，分分鐘豪使20幾萬。據曾經去過party之一的𡃁模爆料：「佢同成班富二代好鍾意請人飲酒，又將啲名車車匙擺喺枱面，可能想人知佢揸靚車，去廁所唔想排隊，會畀一千蚊貼士工作人員。」Tarzan亦不時在Instagram分享他的海陸空奢華生活，坐私人飛機、開遊船P、晒名車等，絕對稱得上是一位富貴kidult。

【澳門攬女】

Tarzan被爆情史一籮籮。互聯網圖片

【𡃁模舊愛】

有指「藍莓」劉俐（左圖）及媽模Mia曾是Tarzan的女友。
from:http://hk.apple.nextmedia ... 161009/19795643

超蓮（右）戥JW開心，大讚Tarzan人品好。微博圖片
卓悅太子爺Tarzan曾在英國讀書，喜歡去中環夜場Volar、Play蒲。為人疏爽的Tarzan鍾意爭埋單請客，在圈中廣結人緣，認識吳雨霏、胡杏兒、陳敏之及何超蓮等。對於有讀者爆Tarzan經常媾𡃁模，超蓮表示不認同，前日在電話中說：「我識咗Tarzan都好幾年，大家都有共同friend，我覺得佢個人怕怕醜醜，好有禮貌，其實好nice，我又唔覺佢成日媾女，但每一個人都有過去，最重要係佢𠵱家對JW好就得囉，我見佢哋都好sweet，我都祝福佢哋，因為Tarzan個人好好，佢哋都係好好嘅男仔同女仔。」

採訪：唐如
from:http://hk.apple.nextmedia ... 161009/19795415