王灝兒唱出心聲望30歲結婚生B

歌手王灝兒（JW）加入新公司後推出歌曲《矛盾一生》，大受歡迎，近日接受《東網電視》節目《娛樂onShow》訪問，與主持人陳振安剖析曲中奧妙，坦言自己亦有相似經歷，更剖白希望30歲前結婚組織家庭，想遇到個會為女朋友同將來努力嘅男仔！

JW直言自己是傳統女仔，希望30歲前結婚生BB。

歌手王灝兒（JW）新歌《矛盾一生》一推出就獲得數十萬點擊率，引起一眾姊妹們的共鳴，JW今次在《娛樂onShow》擔任嘉賓，接受主持人陳振安訪問。她透露歌中有包含到自己的故事，又坦言：「自己希望30歲前結婚，有BB，我係一個好傳統嘅女仔，所以到咗呢個年紀，會開始有啲矛盾喺度，男仔唔一定要有錢，而係要有嗰個心，你會為你女朋友同你將來努力。」

矛盾難改變愛侶
訪問期間主持陳振安以男性角度細味歌曲，卻搞笑地表示對歌曲沒有感覺，JW就反駁說：「對我嚟講，我會想遇到一個男人又玩得又認真，呢首歌咁矛盾就係因為你好愛一個人，但係你明知唔可以改變佢。」

JW接受主持人陳振安訪問訴心聲。

新歌《矛盾一生》亦是JW的心聲。

叔公改中文名
JW剛轉投新公司帶給大家全新感覺，而王灝兒這個中文名原是其真名而非藝名，她說：「呢個名係我爺爺嘅弟弟（叔公）幫我改嘅，簽咗新公司之後，我發現如果上網搜尋JW嘅話，會搵到一間酒店同埋好多衫嘅品牌，有排都未搵到我，始終我係一個香港歌手，都要有個中文名嘅。」另外，她又提到識於微時的朋友鄧紫棋（G.E.M.）及一手帶她入行兼前公司老闆黎明，想知更多JW的秘密，記得留意《娛樂onShow》啦！

文：專案組
From:http://orientaldaily.on.c ... /00282_054.html

歌手王灝兒（JW）、丁悅、李蕙敏（Amanda）、梁雨恩、張惠雅、羅孝勇（Sheldon）、馬嘉均等前晚出席活動，近日憑《矛盾一生》人氣彈起的JW開心宣布MV點擊已達150萬，不過就因為工作多了，未有時間為家人買聖誕禮物，希望盡抽時間與家人慶祝。講到JW的好友吳業坤入圍「叱咤我最喜愛的男歌手」五強，她笑說：「好戥佢開心，一個新人入到五強真係好叻！」

JW希望抽時間與家人慶祝聖誕。

而同場的Sheldon被問到有傳其唱片公司星娛樂資源分配不均，而同門的吳業坤今年亦受到力捧，可會覺得被冷落？他直言將有新歌推出：「MV都有幾個景，又會同品牌合作，好似冇分配不均嘅問題，同埋我唔係唔出，而係等緊下年一次過爆。」

羅孝勇
From:http://orientaldaily.on.c ... /00282_034.html