邵音音心絞痛險死

1^# 大中小 young 發表於 2016-8-23 23:34 發短消息

相關主題: 心絞痛

黃竣鋒前晚到醫院探望邵音音兼為她慶祝生日。

70歲邵音音前日和黃竣鋒到內地韶關準備出席活動時，突感心臟不適，須送院救治，邵音音接受訪問時，揚言差點死在房間裡。前日她坐中港車出發時，依然生龍活虎，但到達當地後，開始感不適，需人攙扶照顧，最後取消了表演活動。昨日已返港的音音姐以短訊回覆：「心絞痛，昨天下午5點15分差點死在房間。還好我乾妹會氣功，全身缺氧，急救車送曲江醫院，有了氧氣就好一點。」

黃竣鋒昨回覆謂：「去到韶關，佢突然胸口痛，呼吸困難。佢仲要堅持上台表演，工作人員安排佢立即送院檢查，最後先送佢返酒店休息。音音姐大難不死，必有後福，我哋噚晚去咗佢房同佢慶生。」

採訪：陳傑
from:http://hk.apple.nextmedia ... 160815/19736356

廷伸閱讀/相關主題推介:

相關主題:心絞痛

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-9-17 09:38 發短消息

音音姐心臟不適推Job

邵音音、秦煌、唐禹哲、劉佩玥、王浩信、劉鳴煒同盛智文等，噚日到海洋公園宣傳哈囉喂，早排心臟不適嘅音音姐話情況唔多好，成日見頭暈，好多工作都推晒。佢又撐出爐港姐馮盈盈爆粗鬧特首同高官一事係自由嘅表達：「咁人哋比賽時冇講粗口嘛。」王浩信率先試玩鬼屋，仲嚇到面青青。問劉佩玥會唔會約緋聞男友伍允龍一齊玩？佢話唔會，因為對方喺多倫多出席電影節。

撰文：馮仁昭
from:http://hk.apple.nextmedia ... 160914/19769879

TOP

3^# 大中小 young 發表於 2016-9-17 09:56 發短消息

邵音音拍勵志港台劇

廖子妤（左）多謝音音姐在拍劇時不停的提點。

邵音音早前突然心臟大動脈撕裂，幸好無礙，她還不時勉勵年輕人要珍惜生命。出事前音音姐為港台拍攝劇集《人間有情》，與馬來西亞女演員廖子妤合演，講述一個更新人士勵志的故事，飾演社工的音音姐希望透過劇集帶出正能量。

該劇將於下周每逢周三於港台31播出，音音姐日前與廖子妤於港台受訪時說：「希望有生之年能夠帶出正面訊息，一百人聽到，一個有改變已經好好。𠵱家啲後生太冇希望，每一代年輕人都會撞到社會、前途問題，行過崎嶇一定有光明。」子妤就多謝音音姐經常提點：「初入行我有懶音，係音音姐提點我改。」

採訪、攝影：羅慧敏
from:http://hk.apple.nextmedia ... 160917/19772913

TOP

4^# 大中小 young 發表於 2017-1-1 19:24 發短消息

花姨邵音音爭凳爭出火

宮雪花（右）及邵音音（中）出席黃夏蕙壽宴，傳出爭位風波。

現年83歲的黃夏蕙，日前邀請68歲的宮雪花及66歲的邵音音出席壽宴兼宣佈成立慈善基金，筵開一百席的夏蕙BB卻搞出「大頭佛」，有人昨爆料指花姨帶了6友人撐場，主家席原只安排藝人坐，有人「雀巢鳩佔」，令安排坐主家席的邵音音母女冇癮離場。

邵音音（中）上台獲黃夏蕙（左）頒紀念狀後，返回主家席座位被佔。

望黃夏蕙道歉

加埋134歲的花姨和音音姐爆出「爭凳仔」羅生門，夏蕙BB經理人Simon昨說：「嗰晚我哋係安排咗邵音音、花姨同魏秋樺坐主家席，音音姐上台攞紀念狀，落番去個位俾人坐咗，嗰個人仲眼厲厲，音音姐唔爭走咗。」夏蕙BB則說：「我只係預咗花姨坐主家席，佢啲朋友坐第二圍，但點知佢哋坐埋一齊，音音姐係坐主家席。」

花姨勞氣否認：「當日係夏蕙BB話畀我6張飛，夏蕙BB契女龍飛私下問我拎咗兩張，龍飛叫我哋坐主家席，我係唔知邵音音坐邊，我哋俾擺上枱。」花姨昨出示跟音音姐WeChat對話截圖，音音姐安撫花姨：「三個人加起來，多人看，宣傳罷了。忍忍吧！我們都是大量的人！」花姨強調怕應酬，不想「集郵」相未經美圖秀秀流出，花姨希望夏蕙BB道歉。關鍵人物音音姐全程大方回應：「我肚餓，怕太遲食嘢，嗰晚頒獎影咗相就走，唔關人事。」

採訪：陳杰
from:http://hk.apple.nextmedia ... 161210/19860601

TOP

5^# 大中小 young 發表於 2017-1-1 20:27 發短消息

音音講爭凳：花姨冤枉

邵音音（左）與黃夏蕙前晚出席電影慈善首映。

黃夏蕙、邵音音和仙樂都前晚在圓方出席電影《幸福澡堂》慈善首映，為「生命傳愛行動」籌款。早前黃夏蕙83歲壽宴時，因為座位問題令宮雪花跟音音姐爆出「爭凳仔」事件，音音姐接受訪問表示是一場誤會，她說：「唔關花姨事，佢係冤枉嘅。嗰晚我肚餓，黃夏蕙又唔準時開席，所以走先。」音音姐笑言大家幾十年好朋友，不會嬲對方，隨即跟剛剛到場的夏蕙姨合照。夏蕙姨表示由於當時在台上，事後才知發生誤會，她說：「事後見過宮雪花，都同佢講過唔關我事。佢咁講話唔嚟啫，個是非都唔關我事，人哋畀面我至嚟，下次會問清楚人數。」

另外，仙樂都將會在新戲中演一名骨妹，自言本身是骨妹一名，所以近日積極偷師。

採訪：馬建華
攝影：葉君海
from:http://hk.apple.nextmedia ... 161214/19864299

TOP

6^# 大中小 young 發表於 2017-1-1 21:21 發短消息

邵音音跌傷尾龍骨

邵音音昨透露上周不慎跌倒，導致尾龍骨骨裂。

邵音音及黃夏蕙等昨日在大埔出席社區活動，音音姐透露上周不慎跌倒，導致尾龍骨骨裂：「好大鑊，醫生要我瞓床半年，瞓半年我死咗啦！因為唔打得石膏，拍戲時有同導演講，唔可以坐低起身，一係坐，一係就企喺度講，導演都好配合。」

夏蕙姨則自爆早前在九龍灣舉行慈善晚宴時，有兩名男子到場聲稱代人追數，指她欠下二十多萬港元，她為免影響在場賓客，所以給了一萬元打發二人離開，她自責最近經常戴貴首飾惹人垂涎：「知我搞party，屈我好容易，如果差人嚟到我個party就唔開得。」並指已報警備案。

採訪、攝影：陳俊強
from:http://hk.apple.nextmedia ... 161220/19870704

TOP