馬詩慧珠寶留畀女

1^# 大中小 young 發表於 2016-6-10 19:05 發短消息

相關主題: 珠寶

馬詩慧（Janet）同囡囡王曼喜（Kayla）噚日扮到靚靚到中環為珠寶品牌NIRAV MODI嘅新店擔任嘉賓模特兒，Janet話平日都會同Kayla睇珠寶首飾：「基本上我哋啲衫都撈亂著，我啲首飾都係留畀啲女。」

Janet講到自己嘅收藏時話：「老公（王敏德）喺特別日子會送鑽飾，好多都係有意思，佢自己有份設計，個仔出世時，佢就送咗三粒紅、藍寶石畀我，代表三個小朋友。」

撰文：馮仁昭
from:http://hk.apple.nextmedia ... 160608/19645007

廷伸閱讀/相關主題推介:

相關主題:珠寶

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-9-14 22:34 發短消息

馬詩慧被囡囡賴低埋單

DV圖片

王敏德老婆馬詩慧（右）日前同兩個女王曼喜（中）、王麗嘉，去銅鑼灣行街買化妝品，三母女喺舖頭睇得開心，不停試又不停傾，連售貨員姐姐都感受到佢哋嘅融洽氣氛。揀完大堆戰利品後，就由媽咪馬詩慧負責埋單，不過排隊嗰陣，王曼喜兩姊妹嫌等太耐，唔多耐煩不停玩電話，留低媽咪排隊畀錢。之後三母女兵分兩路，轉戰商場其他樓層。

撰文：馮仁昭
from:http://hk.apple.nextmedia ... 160907/19762624

TOP

3^# 大中小 young 發表於 2017-6-21 21:17 發短消息

馬詩慧認同女兒性感

馬詩慧直言贊成女兒騷Quali。

馬詩慧前晚在調景嶺出席「年度形象設計展」，擔任評判的她自言也想重拾書包，協助新一代入行。對於囡囡王麗嘉有意做模特兒，她說：「要慢慢浸，有天份好易get到。」問到囡囡經常在社交網晒性感露胸相，是否媽咪教路？馬詩慧即說：「梗係唔係我教，露得靚係一回事，有啲猥瑣露得唔靚，我會第一時間叫佢唔好影，我都曾經講過唔趁𠵱家騷，等跌到落腰先嚟騷咩。」

王麗嘉常在社交網晒性感相，父親王敏德好介意。

談到老公王敏德原來非常介意女兒性感兼公諸同好，馬詩慧說：「老公好保守，外表係鬼佬，內裏係傳統中國人，慢慢等佢接受。」

採訪：卓寶花
攝影：陳俊強
from:http://hk.apple.nextmedia ... 170621/20062879

TOP

4^# 大中小 young 發表於 2017-7-21 00:34 發短消息

馬詩慧幫女襯內衣

馬詩慧出席活動時與傷健人士一起做運動。

馬詩慧（Janet）、陶枳樽及區文詩，昨日到旺角出席「愛．共融同樂日」，與傷健人士一起做運動，並為傷健人士籌款。Janet表示，自己有做瑜伽習慣，至於一家人通常會一齊行山，是難得的親子活動。

Janet的細女王麗嘉日前為內衣騷擔任模特兒，麗嘉笑言要多分享性感相，讓爸爸王敏德（Michael）習慣，Janet笑言：「套衫係我幫佢襯，盡量襯到唔似內衣褲，佢爹哋就唔想佢哋太性感，女仔梗係想靚，Michael唔鍾意都唔會話啲女，只會話我唔睇住佢哋。」Janet表示，認識麗嘉的男友，又大讚對方乖仔為人正面。而擁有健身教練牌的陶枳樽說：「𠵱家有教健身同跳舞，又兼顧表演工作。」

採訪、攝影：張俊銘
from:http://hk.apple.nextmedia ... 170720/20095004

TOP

5^# 大中小 young 發表於 2017-7-27 21:05 發短消息

馬詩慧母女問路去按摩

（左起）王曼喜、王麗嘉和媽媽馬詩慧日前去灣仔按摩，享受親子樂。DV圖片
馬詩慧和王敏德一對女兒王曼喜（Kayla）及王麗嘉（Irisa），經常成為傳媒焦點，大女Kayla早年宣佈出櫃，二女Irisa則頻頻在網上晒身材，王敏德都留言問她「咩事？」，反而馬詩慧就撐愛女，相信她們知道底線。

三母女關係密切，上星期五齊齊出動到灣仔按摩，當日下午4時多，馬詩慧全黑打扮，兩女則穿超短褲騷長腿，相比平日火辣辣打扮，當日已算保守。由於她們皆擁有高䠷身材，站在街上自然引來途人注意，她們邊行邊拿手機看地圖，明顯不太熟路，最後要開口問人，才成功抵達按摩店。三人大約逗留一小時後離開，Irisa還自行坐電車走。

採訪、攝影：梁繼光、朱志聰
from:http://hk.apple.nextmedia ... 170725/20100219

TOP