![曾昭怡筵開40席婚宴超瓊送珠寶賀契女圖片1](http://static.apple.nextmedia.com/images/apple-photos/apple/20150112/large/12ee5p1.jpg)
曾昭怡與Justin笑容一致,幸福之情不言而喻。
曾昭怡
英文名:Natalie
年齡:29歲
職業:律師
學歷:美國Bentley College修畢工商管理系,並於香港中文大學法律學士畢業
家庭背景:已故百億富豪曾紀華孫女,父親曾文豪
郭俊賢
英文名:Justin
年齡:32歲
職業:項目統籌主任
![曾昭怡筵開40席婚宴超瓊送珠寶賀契女圖片2](http://static.apple.nextmedia.com/images/apple-photos/apple/20150112/large/1420986756_9495.jpg)
一對新人咀足兩次。
![曾昭怡筵開40席婚宴超瓊送珠寶賀契女圖片3](http://static.apple.nextmedia.com/images/apple-photos/apple/20150112/large/12ee5p51.jpg)
曾昭怡跟拍拖七年的郭俊賢前日共諧連理,昨晚擺酒。
![曾昭怡筵開40席婚宴超瓊送珠寶賀契女圖片4](http://static.apple.nextmedia.com/images/apple-photos/apple/20150112/large/12ee5p50.jpg)
曾昭怡前日註冊前玩新郎,要Justin讀出愛的宣言。
何超瓊契女、富商曾文豪女兒曾昭怡(Natalie)與拍拖七年的男友郭俊賢(Justin),前日在淺水灣註冊結婚,昨晚一對新人在君悅酒店豪花七位數字筵開40席,場內佈置繼續以前日的浪漫花園為主題,證婚人梁愛詩、契媽何超瓊與同性好友俞琤前後腳出現,還有何超鳳與丈夫、何超蕸等相繼到賀。
新郎要搣腳毛
Natalie全晚共換四套晚裝,其中一套更是親自設計。約傍晚6時半,一對新人在吳雨霏陪同下接受傳媒訪問,兩人全程十指緊扣,大方應記者要求咀嘴兩次,之後Natalie嬌嗲謂:「唔畀你哋睇咁耐呀!」又說:「係開始另一個階段,自己都唔太緊張,七、八年終於開花結果。我知爸爸、媽媽都有唔捨得,不過唔會畫出腸咁講出嚟。」
Justin直言娶到好老婆好開心,自爆前日講愛的宣言時講到口窒窒,Natalie即笑謂:「呢度唔好講,我聽得㗎啦。我以為自己好硬淨唔會喊,但都係忍唔到。」至於是否有造人計劃?Justin說:「我會努力爭取。」他又透露前日接新娘好玩又有挑戰性:「係有難題,但係值得,最難係搣腳毛。」
![曾昭怡筵開40席婚宴超瓊送珠寶賀契女圖片5](http://static.apple.nextmedia.com/images/apple-photos/apple/20150112/large/12ee5p5.jpg)
契媽何超瓊現身,昭怡踢爆她聽誓辭時感動落淚。
![曾昭怡筵開40席婚宴超瓊送珠寶賀契女圖片6](http://static.apple.nextmedia.com/images/apple-photos/apple/20150112/large/12ee5p4.jpg)
邢嘉倩在接待處為好姊妹婚禮打點。
感激超瓊上心
Natalie表示媽媽及契媽何超瓊都送上首飾作嫁妝:「契媽好上心,聽聞噚日我致辭嗰陣佢有喊,但我冇見到,佢有祝福我,不過太多人提點啦,我都唔記得咗。」問他們何時度蜜月?Natalie表示他們都喜歡去旅行,因此不會限定一個地方作蜜月之旅,今年會去的地方都是度蜜月,認真甜蜜。
採訪:文國駿
攝影:仇志德
from:
http://hk.apple.nextmedia ... 150112/18999297