日本組合假面女子去年初以單曲《元氣種》登上銷量榜冠軍，本來令組合由地下唱到地面，不過有關假面女子嘅負面報導越傳越多，而擁有I cup巨乳嘅猛將天木純都劈炮離隊，令組合大傷元氣。
假面女子嘅24歲成員神谷惠裡奈備受重用，曾經因斜視影響事業，佢去年醫好「鬥雞眼」即工作量不斷，唔止推出2016年性感年曆，今個月更會有佢嘅第三作DVD應市，下月19日會喺秋葉原舉行見面會。
神谷惠裡奈不時成為漫畫雜誌嘅封面女郎，佢今次喺新作中又再曬其豐滿G奶，以唔同性感形象展現成熟一面，所以平時要戴住面具開騷真係有啲嘥曬。
其實神谷自就讀高校2年級開始，斜視嘅毛病越來越嚴重，影響視力之餘亦有礙事業。神谷上年返回家鄉靜岡接受治療，手術過程順利，醫好「鬥雞眼」後機會可謂接踵而來。
from:
http://hk.apple.nextmedia ... 160505/19598226
