任達華飛天影香港

1^# 大中小 young 發表於 2016-5-12 01:11 發短消息

相關主題: 任達華

任達華昨於太古出席攝影展，當中包括他以手機拍攝的多張作品，華哥直言家中有十多部相機，最貴的達廿多萬，他說：「有一個有錢人，有50幾部，嗰個就係杜琪峰。」問華哥會否考慮開相展？他說下月開始影香港18區：「預計影3個月，因為要租直升機同航拍。希望出年出書，發放正能量。」

華哥又透露剛開了一個設有20米投射的畫室，將拍攝成的照片用來作畫，他說：「係我另一種興趣，我都鼓勵香港人多啲戶外活動，希望琦琦跟埋我去，之前去英國十日不停shopping，每日行咗1萬7千幾步。」華哥表示已買了一隻大戒指送給琦琦作母親節禮物。

採訪：羅慧敏
攝影：陳順禎
from:http://hk.apple.nextmedia ... 160430/19592233

廷伸閱讀/相關主題推介:

相關主題:任達華

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-10 07:09 發短消息

任達華人格分裂夠晒癲

任達華和台灣女演員邵雨薇拍攝九巴刀作品改編嘅電影《樓下的訪客》，早前二人喺尖沙嘴接受訪問，任達華喺戲中飾演變態房東，鍾意偷窺租客，精神分裂出八個人格，佢話演呢齣戲時令人瘋瘋癲癲，佢話：「因為戲中要分裂8個人物，24小時都要諗住啲角色性格，雖然自己冇殺人，但要諗辦法控制其他人去殺人，拍戲呢兩個月令到個人瘋瘋癲癲，但係覺得呢個係最好嘅劇本。」

撰文：馮仁昭
from:http://hk.apple.nextmedia ... 160809/19728280

TOP

3^# 大中小 young 發表於 2016-11-5 18:44 發短消息

任達華食麵被集郵

任達華（左）昨日出現中環永吉街一間麵店，當時他坐在門外吃麵，有眼利途人上前要求集郵，親民的華哥全部有求必應。圍觀的人漸多，他們耐心排隊要求和華哥自拍，小店老闆笑言：「幫襯食麵先可以影相。」粉絲遞上手機，華哥搞笑問：「你哋部手機爆唔爆炸先？哦，全部都係iPhone。」華哥表示前晚由內地工作返港，每次回港必來吃麵：「去到邊都掛住呢個味道。」

採訪：楊定　
攝影：陳慧安
from:http://hk.apple.nextmedia ... 161101/19818416

TOP

4^# 大中小 young 發表於 2016-12-10 16:19 發短消息

任達華獲獎忘謝老婆

任達華日前到美國出席夏威夷國際電影節，獲大會頒發Maverick award獎項，琦琦貼相到社交網：「為你開心，為你驕傲，從奥斯卡電影製作人手中接過獎。」

華哥昨在電話中講得獎感受：「只記得多謝囡囡Ella，佢畀我電影工作上有啟示，唔記得多謝老婆。」琦琦表示沒呷醋：「佢講完囡囡，停咗一下就唔記得，我完全唔介意。」

採訪：楊定
from:http://hk.apple.nextmedia ... 161115/19833771

TOP

5^# 大中小 young 發表於 2017-7-27 21:05 發短消息

任達華唔會管阿女

任達華噚日喺商台接受訪問，節目中提到以前喺無綫拍劇鍛煉自己：「喺TVB做嘢賺唔到錢買樓，但我喺嗰度投資喺自己身上，學到做嘢準時、忍耐、包容。」提到王敏德兩個女喺社交平台展示性感相，華哥好少管制女兒：「我唔會，多溝通多了解，佢有佢自由唔會鬧佢，我有名係Mr.OK。而且佢單純唔會亂嚟，知自己幾時應該做啲乜，佢同我諗嘢都好正能量。」

撰文：馮仁昭
from:http://hk.apple.nextmedia ... 170725/20100325

TOP

6^# 大中小 young 發表於 2017-8-5 22:20 發短消息

任達華揸槍夠霸氣

任達華、陳小春及伍允龍主演經典「黑白系列」第三部曲《黑白迷宮》，嚟緊下月14日上映，戲中有不少打鬥同槍戰場面，華哥盡顯大佬霸氣，又冷靜態度處理危機，難怪連導演闞家偉都讚佢「chok」得型，封上『凍齡男神』稱號。同劇伍允龍亦敬佩華哥，一舉一動都係學習對象，尤其華哥因醫生拒絕為其受傷的兄弟治療，揸槍直指醫生頭部時，霸氣十足之餘，更盡顯兄弟情。

撰文：馮仁昭
from:http://hk.apple.nextmedia ... 170804/20110716

TOP

7^# 大中小 young 發表於 2017-8-7 23:07 發短消息

任達華有女幫手切扒

二十四孝爹哋任達華，趁暑假工作空檔，陪老婆琦琦同囡囡任晴佳（Ella）歐遊享天倫樂，佢哋親親大自然，觀光為主，零濕平。琦琦噚日喺社交網貼出旅行相晒溫馨，華哥右手包紮住，問到華哥受傷情況？琦琦話：「佢拍打戲受傷，縫咗8針，𠵱家康復中。」華哥傷右手影響到日常生活，食牛扒就切唔到，琦琦爆料：「呢幾日都係Ella幫爸爸切牛扒，華哥雖然受傷，心裏甜過蜜糖。」

撰文：馮仁昭
from:http://hk.apple.nextmedia ... 170807/20113586

TOP