前組合Freeze成員甄詠珊日前被影到揸冚旗的，疑做兼職的士司機搵外快，當年曾僭建D奶走性感路線的她，還原B cup後一度轉投亞視，沉寂一輪最近再戰樂壇，上週被雜誌影到素顏坐在的士司機位，身旁有一名中年男人，甄詠珊駕著冚旗的由觀塘去啟德郵輪碼頭。
昨日本報致電甄詠珊瞭解，是否歌手難搵食要兼職揸的士？她解釋：「我嚟緊有個舞台劇《借用下一世的男朋友》，角色係做一個的士司機，我唔係去咗揸的士搵食，其實我係去實地體驗一嚇，究竟坐喺的士司機位揸的士係乜感覺，當日我係冇載客冚咗旗，隔籬都有的士司機同我一齊，同揸車嘅感受係有啲唔同嘅。」
另外，甄詠珊昨日與童愛玲、張新悅等出席嘉年華活動，童愛玲表示12歲兒子Kyle愛打籃球：「我哋一家都鍾意拜恩（Kobe Bryant），嗰日（上週三）收工後返屋企睇拜恩告別賽。」
採訪：王連連
攝影：仇志德
from:
http://hk.apple.nextmedia ... 160418/19575291
