楊怡胞姊楊卓娜昨日應邀到荷里活廣場出席婚紗展活動，分享結婚和老公相處之道。胞妹楊怡新婚之喜，楊卓娜戥阿怡找到好歸宿開心，勁讚謙謙一百分。
楊卓娜盛讚妹夫謙謙有交帶，是一百分老公。微博圖片
楊卓娜透露與老公上到飛機才知喜事，無悔推劇去今次旅程，當日更為胞妹出嫁感動落淚。一直有指阿怡結婚趕生B，楊卓娜為胞妹澄清：「係咩？唔會係趕生B，阿怡份人好有計劃，相信有步驟去逐步行，𠵱家享受二人世界先，起碼一年啦。」對於阿怡約滿無線離巢，可以北上做跟得夫人贒實謙謙，楊卓娜說：「唔會咁做啦，亦唔需要，謙謙好有交帶，真係一百分，絕對放心將妹妹交畀佢，對自己家人同我哋都好好，好細心。」阿怡約滿閃離無線，相反楊卓娜剛剛和無線再續約三年。
採訪、攝影：卓寶花
from:
http://hk.apple.nextmedia ... 160404/19556404
