楊怡早前被指與廣告燈箱大王楊志翹拍拖，雖然她已表示對方是其胞姐楊卓娜的男朋友，但仍被傳媒指她「唔肯認頭」，不過本報已得楊卓娜親口證實二人關係，楊卓娜亦承認已懷了身孕，雖然是未婚媽媽，但楊怡坦言全家都為小生命將來臨感到高興。
踏入牛年首宗喜訊終於出現，楊怡將榮升為「姨級」，其胞姐楊卓娜親口承認懷有廣告燈箱大王楊志翹的BB ，雖然二人還未正式註冊，但稍後亦會籌備結婚事宜，楊氏一家上下都非常高興。
楊怡之前「食死貓」，被一些報道硬屈與楊志翹拍拖，更獲對方送贈四十萬元名貴跑車，楊怡雖大方承認以對方名義買車，但卻指楊志翹其實是其姊楊卓娜的男友，不過傳媒認為她只是找家姐「過橋」。
其實楊志翹真的是楊怡的「未來姐夫」，本報獲楊卓娜親口證實與楊志翹關係，更大方承認已懷有對方BB 數個月。當日記者致電楊卓娜問及懷孕消息時，她起初表現愕然，只說：「係，我有咗幾個月，依家都好健康，（係仔定女？）暫時唔想講，（怕影響男友定妹妹？）唔關事，係私人問題，（你同楊志翹結婚未？）我哋拍拖一年，未結婚，（打算幾時結婚？）我哋遲少少就會結，依家仲未知。」
否認愛郎花心報道
雖然早前有報道指楊志翹曾結婚，有兩個女兒，為人亦很花心，但楊卓娜似乎不太介意，更力撐未來老公，她說：「我哋識咗好耐，佢嘅朋友我都認識，我對佢好信任，根本完全唔係外界講咁樣，我唔會介意，因為
啲唔係事實，我哋又冇乜新聞價值，（你同佢啲女補習？）唔係！私人嘢真係唔想多講。」其後楊卓娜表示有親友到訪拜年，急急掛線。
公開喜事免受騷擾
記者致電楊怡時，她表現得很開心，更直認家姐懷孕一事，她說：「家姐有咗係開心事，全家人都戥佢開心，所以之前嘅報道全部都係假嘅！無論點寫我都唔在意，今次再公開講係唔想家姐再受騷擾，不過今次之後我都唔會再回應
啦！」
文：影視組
人證物證都齊晒，我今次真係甩難咯！（設計對白）
楊怡處處維護楊卓娜，果然是姊妹情深。
楊卓娜曾參選二○○一年港姐，但大熱倒灶。 （資料圖片）
