遊說黃家強Paul合體單拖照做世榮6.10會展騷念家駒

葉世榮、黃貫中（Paul）和黃家強自2000年Beyond解散之後，各以自己的方式懷念家駒，今年或許有機會見到三子聚首演出「家駒紀念演唱會」。前晚世榮在九龍灣出席電影公司開幕晚宴時，透露在灣仔會展舉行一場紀念家駒籌款騷，他說：「6月10號（家駒生忌）要搞家駒籌款演唱會，唔等紅館期，喺會展搞。會展有8,000幾人，都接近紅館，只做一場。剛拎到場地，所有嘢都計劃中，最遲4月有發佈會。」

Beyond解散後三子獨立發展，為了家駒的信念，Beyond可會再聚？

昨日一間電影公司在九龍灣搞開幕，（左起）麥德羅、鄧英敏和王維德畀面出席。

希望再合作

談到大家高度關注三子能否合體一事，世榮說：「大家最關心嘅嘢，我努力中，盡我所能，希望可以再一次見到三個一齊。」他表示好有信心，已先後跟Paul和家強見過面：「兩個都見過，分開見，見邊個先後就唔講。傾偈都好深入。」他指若有需要會相約一齊見面：「呢個音樂會好有意義，咁多年嘅嘢都係無謂嘢，希望佢哋唔好放喺心，做件有意義嘅事，自己當家駒未走，希望可以一齊再合作，做啲嘢幫嚇人。」

羅霖外表並無異樣，但是一開聲就變了「老牛」，原來她聲帶髮炎。

羅霖犯聲煞

世榮續說：「唔止係紀念，大家忽略咗家駒嘅愛心，想延續落去，點做就諗一諗，籌款活動有好多，但咁樣做都係第一次，真正有意義有主題去宣揚佢嘅愛心係第一次。」世榮表示若最後結果只有他一個，也會照做，會當家駒同在一齊去做。

此外，開幕晚宴同場的羅霖，低V現身明艷照人，但一開聲就嚇死人，她說：「四日都係咁，真係好難聽，好耐冇試過咁。醫生仲問我使唔使唱歌，如果要就要打針，自己驚有類固醇，有就唔打，佢叫我休息，但冇可能，呢排好多嘢做，疲勞過度。」

採訪：王連連
攝影：沈健程
from:http://hk.apple.nextmedia ... 160129/19470447

世榮回想家駒當年與家強爭廁所的趣事。

為紀念Beyond已故主音黃家駒54歲生忌的《家駒……愛心延續慈善演唱會2016》，今晚假灣仔會展舉行，ViuTV於今晚8時半開始直播，為該台直播演唱會頭炮，而主辦單位扣除成本後將演唱會收益全數捐款予保良局和福幼基金，現場並設捐款熱線，延續家駒善心。

今晚葉世榮、黃貫中、G.E.M鄧紫棋、梁詠琪和草蜢等會參與演出，而日前世榮接受鄧健泓港台節目訪問時，指家駒經常鼓勵他們做慈善活動，但就有遲到習慣，世榮說：「佢永遠最遲，我有問乜原因，因為當時佢同家強住，兩個起身爭廁所用，佢又唔夠家強快，到佢時佢又慢麽麽。」

採訪：魯吉
from:http://hk.apple.nextmedia ... 160610/19648045

周啟生昨晚打頭陣演出，又稱很欣賞家駒。

紀念Beyond主音黃家駒昨日54歲生忌的《家駒…愛心延續慈善演唱會2016》，昨晚在灣仔會展舉行，為保良局和福幼基金籌款。昨日演唱會入座率有9成，先播出曾志偉讀白，志偉指家駒曾講過去到幾遠也會回來，然後唱了一句《海闊天空》的「今天我」，更謂：「呢首歌至今仍然好多人唱，我哋藉住今晚向佢致敬，將佢嘅愛延續落去。」接住周啟生出場唱《歲月無聲》，指最欣賞家駒地方，是他懂得欣賞好的音樂。

其後盧巧音等出場，與現場觀眾一齊跟家駒說聲生日快樂。樂隊Kolor主音Sammy則說：「我哋係香港長大嘅樂隊，以前成日玩Beyond音樂，冇諗過今晚可以唱歌畀家駒聽。」

採訪：馬健華
攝影：陳慧安

盧巧音、Sammy等與觀眾齊齊向家駒說生日快樂。

胡渭康唱到七情上面。
from:http://hk.apple.nextmedia ... 160611/19649488