文詠珊男友陪慶生甜入心

雖然JM今年生日要在工作中過，但有男友吳啟楠陪在身邊，令她開心冧爆。

文詠珊（Janice Man）去年開始頻頻返內地搵真銀，昨日雖然是她的27歲生日，但亦要在寧波開工度過，為內地劇《九州海上牧雲記》拍攝，她在劇中扮演仙女。據知其「iBank筍盤」男友吳啟楠雖然工作忙碌，但為了𠱁女友開心，專程飛到內地陪她過生日，令JM甜到入心。

JM指與男友吳啟楠（圖）有共識，不會突然玩閃婚。

資料圖片

生日不在港，JM的一班老友早前為她提前慶祝。

吳啟楠好有心思，在女友酒店房擺聖誕樹添節日氣氛。

「切咗至少10個蛋糕」

壽星女JM昨日接受《蘋果》電話訪問，問她今年生日願望是甚麼？她表示：「一定係自己同屋企人都身體健康，另外就係工作順利啦！」問JM是否準備好當人妻，會否考慮跟男友閃婚？她即嘩一聲說：「一定唔會喇！大家有共識，呢幾年會各自努力做嘢。」有指男友專程到劇組陪她過聖誕及生日，甚至連聖誕樹都準備好，希望她在工作中亦有過節氣氛，超級細心，JM聞言甜到漏笑說：「咁除咗佢（指男友），身邊好多人對我好好，好多朋友知我要返內地開工提早同我慶祝，今年切蛋糕都切咗至少10個，媽咪今次冇嚟，但阿姨就陪我入組，仲親手整咗個生日蛋糕送畀我！」

問JM拍完劇會否跟男友去旅行補祝生日？她透露這個劇要拍到明年4月，暫時未敢計劃放假：「我預計會喺呢度拍到2月，之後會轉景去日本開工，到時唔知有冇幾日假期，不過自己開工嗰時心情會調校咗去做嘢mode，所以都會做嘢行先，shopping就等真係旅行先至盡情。」

採訪：小米
from:http://hk.apple.nextmedia ... 151230/19431430

JM對網民指修圖矯枉過正覺得驚訝。資料圖片
文詠珊（JM）日前為雜誌拍攝封面照，沒想到出街之後會有極大迴響，皆因JM被指頭身分離，兩邊肩膀闊度差距大，身體曲線又被扭曲，頭和身體的大細比例明顯有差距，被指相片失真、不符合人體工學，大量網民留言批評「修圖下手太重啦」、「超不自然」等，甚至有人誤以為相中人是范冰冰。

對於拍攝封面照引起的迴響，昨日JM接受本報訪問時感到驚訝，她說：「我都係聽啲同事講番，唔知喎！自己睇番自己個樣又覺得冇問題，同原相嘅分別唔係好大，都好surprise唔知點解網民有咁大反應。」

採訪：小米
from:http://hk.apple.nextmedia ... 160203/19476529

JM擺脫
入行13年，現年27歲的文詠珊（Janice Man），由昔日𡃁模蛻變至今，越來越有女人味，最重要是終於找到Mr.Right，與任職黑石集團（Blackstone）筍盤男友吳啟楠（Carl）拍拖一年多，發展穩定。JM日前接受本報訪問，更冧爆向男友講愛的宣言：「好多謝佢一直支持同包容我，搵到呢個人好唔易！」

笑問JM知否父母對「未來女婿」的評價是否都很好？JM即笑着關後門表示未有婚期：「咁又冇咁快，我哋𠵱家目標一致，男友相比起我更加係工作狂，影響到我更勤力，佢無時無刻都諗做嘢，係唔會浪費時間嘅人，好值得我學習。」

今年是JM與男友吳啟楠（Carl）共度第二個情人節，不過目前身在內地拍劇的她，要在工作中過節，她說：「其實上年大部份時間都喺內地開工，因為剛剛開始拍內地劇，係會少咗時間喺香港，男友都明白。」

JM與Carl拍拖一年多，笑言在人海中找到男友殊不容易。

JM指男友工作認真，要向他好好學習。資料圖片

在電影《赤道》不錫身做打女，JM獲提名「最佳女配角」是意料之內。

下一站女主角

另外，JM前年約滿黎明公司改投太陽娛樂兼自組經理人公司，今年她憑電影《赤道》提名金像獎「最佳女配角」，成功「打」出頭來。JM回想得悉入圍一刻，自己是出奇地冷靜，她說：「可能我一直都抱平常心，反而家人就興奮到尖叫，不過我可以入圍係《赤道》成個團隊嘅功勞，係我人生突破，唔會畀自己壓力，因為越期待會令自己緊張，反正入圍已經係好大嘅禮物。」

問JM下一個目標是否挑戰女主角？她承認演員一定有這個想法，但不會給自己壓力，只希望收到更多好劇本可以發揮。

採訪：鄉奈仁
髮型：Matt Chiu of Xenter
化妝：Vinci Tsang of VW makeup
服裝：Michael Kors
首飾：Forevermark
場地提供：NeighborFarm CoWorking Business Centre
from:http://hk.apple.nextmedia ... 160215/19491305