胡杏兒已畀帖Bosco黃宗澤

胡杏兒昨日在尖沙嘴出席Google Play活動，她將於月底與李乘德結婚，戴著求婚鑽戒現身的她，透露為婚事忙不停：「好多帖要派，搞咗成晚好似女工咁，因為張帖後面有個中式同心結，要自己慢慢貼。」她表示將會擺50多圍，至於有否派帖予舊愛黃宗澤（Bosco）？杏兒說：「畀咗佢啦，不過次次出嚟都講佢唔係咁好。」

杏兒謂要準備婚事，本月12日到內地工作後便小休，好姊妹胡定欣會幫手做女工入餅卡、入利是：「佢仲係我伴娘，𠵱家有10個姊妹，兄弟有成20個。」她表示當日玩新郎會要求姊妹們手下留情，姊妹團中最辣是胡蓓蔚。

採訪：盧妹
攝影：仇志德
from:http://hk.apple.nextmedia ... 151206/19401020

準新娘胡杏兒昨日出席商場活動，雖然狀態疲累但仍心情大靚，更兌現承諾向舊愛黃宗澤（Bosco）發囍帖。面對未婚夫Philip的前度們，杏兒亦不介意男方邀請，非常大方。而舊愛Bosco昨日亦坦言有時間必到，親身恭喜一對新人！

杏兒預告兄弟團人數會比姊妹多，屆時會兩男配一女明益姊妹。

將於本月28日舉行婚禮的胡杏兒，昨日戴上求婚戒指出席公開活動，透露正忙於派發囍帖，自嘲每晚如女工般為囍帖封上中式同心結貼紙，更指屆時會於酒店筵開50多圍。

對於早前揚言會請舊愛黃宗澤（Bosco）出席婚禮的她，表示已發帖給對方，未婚夫Philip也不介意。至於有「港姐殺手」之稱的Philip，也曾與李施嬅及張曦雯拍拖，杏兒更大方邀請前者任姊妹團之一，問到Philip可有邀請其他前度現身？杏兒笑謂：「唔知，冇問佢，大家有共識，唔使逐個去問邊個嚟，總之係朋友就會請。」

杏兒已兌現承諾向舊愛Bosco發囍帖，而Bosco則尚未知能否出席。

杏兒與未婚夫Philip sweet到爆，絕不介意其前度到賀。

姊妹團唔夠兄弟分
而待本月12日出席完內地活動後，杏兒便正式收爐倒數成為人妻，笑言預計有兩星期休息。問到有份入圍視后的她，可會出席下月的「萬千星輝頒獎典禮2015」？杏兒謂：「唔喺香港去唔到，希望啲姊妹拎多啲獎，睇好胡定欣拎視后。恭喜佢之前喺馬來西亞攞咗視后，佢都有幫手做女工黐帖，好感動。姊妹團除『胡說八道會』成員，仲有家人、小學同學，大約10幾個，最辣係隊長胡蓓蔚，定欣係伴娘。至於兄弟有廿幾個，到時兩個兄弟對一個姊妹，仲開心。（花球畀邊個？）諗好咗，到時就知。」

而身在內地的Bosco昨日表示尚未知可否出席，更謂：「有時間一定會去，搶鏡？佢兩個先係主角，我哋只係配角，都係恭喜佢啫！」文：影視組
From:http://orientaldaily.on.c ... /00282_009.html