黃又南認拍拖：我好慢熱

1^# 大中小 young 發表於 2015-10-27 17:52 發短消息

相關主題: 黃又南

Shine成員徐天祐宣佈下月8日迎娶拍拖八年嘅中學同學Olive，而另一成員31歲黃又南嘅真命天女仲未出現。直至噚日凌晨12點半，本報發現又南喺青衣邨附近，同一名貌似梁靖琪（Toby）嘅女子喺紅色Audi座駕短聚一小時。二人有講有笑，玩襯衫又玩手機，不過冇任何越軌行為。

與女友談心期間，又南突然開車門整理東西。

又南被問到呢件事，佢噚晚喺電話度，最初支吾以對，後來大方表示半年前喺朋友介紹下識「翻版Toby」，問係咪發展中？佢話：「暫時……係呀！」他直認短聚一小時，但冇任何親熱行為：「唔係做乜呀？我係好傳統，唔係一個突然好激情嘅人。之前我講過𠵱家同一個女仔瞭解緊，但係我好慢熱，如果係唔會唔認。」

採訪：非非
from:http://hk.apple.nextmedia.com/entertainment/art/20151025/19346376

廷伸閱讀/相關主題推介:

相關主題:黃又南

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-11-29 04:40 發短消息

黃又南踎街洗戰車

徐天佑早前小登科，而拍檔Shine成員黃又南上個月就被本報影到，同一個貌似梁靖琪（Toby）嘅女仔現身青衣邨附近，兩個人坐喺紅色Audi座駕入面短敍一小時，佢哋全程有講有笑，相處得好開心，之後又南坦承同個女仔發展緊。

前日又南似乎冇女仔陪，見佢一個人揸車落去銅鑼灣加路連山道車房，幫佢架Audi戰車洗白白。咪以為佢搵車房啲人洗喎，其實係又南自己落手落腳省靚架車，見佢又踎又跪，兼唔怕濕身出盡力擦，就知佢有幾愛錫呢個「老婆仔」。

採訪、攝影：徐錦池
from:http://hk.apple.nextmedia ... 151127/19389385

TOP

3^# 大中小 young 發表於 2016-2-22 21:26 發短消息

又南車房BBQ有女陪

又南前晚BBQ後，孖住翻版Toby齊齊用手機睇片（上圖）。DV圖片
黃又南早前被拍到跟一名貌似梁靖琪（Toby）的女子發展中，前日西方情人節自然是表態和約會的好日子，但又南就選擇同一大班朋友BBQ度過。

前晚8時左右，又南開着紅色Audi現身銅鑼灣，他先將車泊在嘉路連山道一車房對開，之後就去到車房門口，跟20多名早已經開定燒烤爐的朋友，一切坐在街邊BBQ。

原本以為又南好dry地跟友人過情人節，燒了大概半個小時候，忽視發現有位少女在他身邊走來走去，驟眼看跟「翻版Toby」有幾分相似。兩人吃飽後就撇低其他朋友，齊齊走上又南的車，原來又南手機有片睇，翻版Toby睇片期間不時輕靠在又南身邊，看片後兩人便開車離開。

採訪、攝影：朱志聰、黃曉程
from:http://hk.apple.nextmedia ... 160216/19492321

TOP

4^# 大中小 young 發表於 2016-9-14 23:25 發短消息

黃又南減肥齋飲見暈

黃又南同萬希泉品牌合作推出陀飛輪手錶，噚日佢現身會展鐘錶展宣傳，佢話陀飛輪設計嘅靈感係想表達親情。

最近黃又南再瘦一圈好似人乾，佢話：「專登為套動作電影減肥，瘦咗十磅，要效果一除衫好鋼條型，我好易瘦，試過同周迅合作微電影要瘦十磅，我一星期有四日唔食嘢只飲齋啡，但踎低起身見頭暈，今次咁瘦媽咪都會好擔心，不斷叫我食嘢。」

撰文：馮仁昭
from:http://hk.apple.nextmedia ... 160908/19763632

TOP

5^# 大中小 young 發表於 2017-7-27 20:44 發短消息

黃又南：就快變阿伯

黃又南認為現在的他，演員生涯才正式開始。

黃又南入行十幾年，最近留了鬍子佬味甚濃。早前他接受訪問，提到現在拍戲時，很多對手都是九十後，他自言心態仍年輕：「就快變阿伯喇！其實係有少少成熟咗，但唔會刻意做出來，去到拍攝現場，有啲人見到我已經叫又南哥，我唔出聲都應該呃得吓人，出聲就知我已經係有啲經歷。」

藝人在內地發展，遍地執金的機會多，又南今年都有九個月在內地賺人仔，不過他未考慮置業。孝順的他處處為家人着想，他說：「儲咗錢先，勸父母退休，我覺得男演員生涯𠵱家先正式開始，以前唔覺，𠵱家發覺以前做到嘅，都唔係嗰種味道。」

採訪：王連連
攝影：陳慧安
from:http://hk.apple.nextmedia ... 170724/20099303

TOP

6^# 大中小 young 發表於 2017-7-27 21:18 發短消息

又南尋回腦退化父親

黃又南早年因替父親還債，捱到要叫朋友請食杯麵。互聯網圖片
男子組合Shine近年唱而優則演，兩位成員黃又南及徐天佑都有不俗的發展。又南出道時曾因背負父親700萬債項，要問好友陳曉東及樊少皇借錢，又試過叫朋友請食杯麵，幸現已事過境遷。昨日有周刊報道指又南的父親患上腦退化症，本月中趁黃媽媽外出時，離開將軍澳寓所失蹤，事隔六日後才由警方在紅磡尋獲。

Shine將於明年3月合體開演唱會。資料圖片
又南的經理人錢小姐昨接受本報電話訪問時，表示事件發生在本月12日傍晚，她說：「又南當時係心急同緊張，佢同啲朋友都有去返爹哋經常去嘅地方、舊居搵，好在警方一直都有黃爸爸用八達通嘅消息，證明佢平安先。搵番之後黃爸爸係瘦咗，但就冇話污糟邋遢。」她透露又南事後已請專人照顧父親，目前正忙於拍電影及為明年3月的演唱會做準備。

採訪：李森
from:http://hk.apple.nextmedia ... 170727/20102462

TOP

7^# 大中小 young 發表於 2017-8-15 20:24 發短消息

黃又南操弗備戰開騷

黃又南（右）對未能即時記得小學同學，感到有點尷尬。

黃又南、葉文輝（啤梨）及黎澤恩（Ronny），昨日去到深水埗擔任環保活動大使，又南今次是應小學同學邀請，他說：「當佢打電話嚟自我介紹後，我未即時聯想到對方個樣，嗰刻有啲尷尬，之後先記得番。」年過三十，他自覺更珍惜身邊事物環境，明年3月Shine紅館演唱會，他說：「比五年前我哋多咗參與，以前真係懶，今次開咗好多次會後，發現仲有好大進步空間，兼且提議開四面台，機會都好大。」為求增強視覺效果，已秘密練兵排舞，又會加入女dancer，同操弗身形。

明年是Mr.出道十周年，Ronny指成員間有傾談開騷問題，Ronny說：「睇吓有冇主辦同投資方搞，希望有人想睇。」

採訪、攝影：馬建華
from:http://hk.apple.nextmedia ... 170814/20120457

TOP