《大》片中提到不少社會問題，如貴租、高樓價等等，導演李保樟接受訪問時感慨的說：「好似戲中黃秋生做黑社會，想轉型之餘點樣對住兄弟。佢有情有義，唔可以放低班兄弟。」同時又要面對一個人到中年難轉型的現實。
片中秋生的手下、跟大佬爭阿Sa的黃又南，現實中與家人同住，30歲人仍未正式面對「上唔到車」的問題，他說：「我仲未遇到，未諗過買樓。我冇乜投資運，仲未係好貼身嘅事。始終一個繁榮國家，越繁榮嘅城巿，實有呢個問題存在。我都想買樓，𠵱家越嚟越貴，唔係我去揀買唔買樓，儲到錢先算，預一筆錢先。」
黃又南在《大》片與阿Sa有不少對手戲。劇照
𠵱家會珍惜
對於中佬、後生同時愛上阿Sa，李保樟說：「秋生代表成熟嘅人遇到嘅困難，又南同阿Sa，代表年輕人遇到嘅困難同問題。」黃又南自言性格內向，求學時錯過拍拖機會，他說：「讀書時我好怕醜，唔知點開口，試過幾次失去過，𠵱家會珍惜，要自己爭取，應該講就要講。一直都係暗戀唔敢開口，記得中五嗰年，讀完書拜拜埋，都幾孤獨㗎，不過之後已經入咗行。」又南與空姐女友分手後，目前仍是單身並以事業為重，他說：「以前細個一出嚟上得好快，試過低潮，所以要把握工作機會。係想拍拖，但唔會因為拍拖而搵個女友。因為試過錯過，所以以後會主動啲。𠵱家先30歲，係男人嘅黃金時期，其實緣份嘅嘢係你就係你，避都避唔到。」
撰文：王連連
場地提供：Sky100
from:
http://hk.apple.nextmedia ... 141108/18927389
