現年46歲的陳浩民在2011年迎娶比他年輕16歲的國產女模蔣麗莎（Lisa），當年二人奉子成婚，誕下大女雅薷。想不到浩民能力高，太太又好生養，四年生三個都未夠，浩民昨日在內地出席新劇《新活佛濟公》宣傳活動上，宣佈又要當爸爸了！
浩民昨日在微博放上高舉四隻手指的相片，開心宣佈太太懷第四胎。
（右起）大女雅薷現年三歲，二弟璟逸和幼妹若嫣分別兩歲及一歲，明年又多個細佬或細妹。
「最緊要熱鬧」
據知Lisa懷孕剛超過三個月，傳統上可公佈喜訊，即將做第四任爸爸的浩民昨日在電話中心情大靚說：「多謝曬呀，多謝曬呀！」明年是猴年，浩民表示暫時未知馬騮仔定馬騮妹，他說：「BB性別仲未知，仔女都咁鍾意，咁開心，只要健康就得。」Lisa預產期預計明年4、5月，因為未知性別，所以未開始諗BB名。
問到浩民心目中打算組織幾口之家，已有一子兩女的他搞笑反問：「香港政府話可以生幾多個？」換句話說，他似乎五年生四個都未夠數，浩民答：「隨遇而安，一切隨緣，順其自然。」看來他於生仔真是沒極限。不過實情生幾多個要跟老婆商量，他說：「生細路趁自己有力早啲生，暫時環境有能力可以繼續生落去，近排又搬咗新屋，多咗房可以容納佢哋。」他早兩個月前斥資半億在紅磡連購兩個單位，直言養育小朋友擔子不輕，但仍承諾給最好予孩子：「我哋決定唔係普通，都計過數，唔係太辛苦。我哋計過唔會要小朋友捱餓，我最多拍多兩部戲，最緊要一家人齊齊整整，熱鬧開心。」
自薦代言生育
Lisa過去三胎都在香港剖腹，至於今次一胎，浩民說：「睇到時情況決定。」Lisa昨日趁好天帶子女戶外野餐，她雖然有生三胎經驗，但今胎陀得最辛苦，她以短訊回覆：「呢胎嘔吐最厲害一次。」多仔婆Lisa更搞笑說：「內地不孕不育醫院，估計要找我們做代言人了，哈哈，順道可問問配方。」
採訪：劉敏
【醫生話】剖腹冇限生幾多
對於陳浩民妻五年抱四，剖腹產子在醫學上，慣性說法是只可三次，並建議產後休養兩年才能繼續懷孕。被喻為「生仔聖手」的生殖醫學專科權威何永超醫生接受電話訪問時說：「以我個人角度去睇，只要盡力喺手術中將每個層次還原，當第二次手術就會發現傷口似新嘅一樣，到第三次亦都會似第一次生一樣，所以係唔會被通常見解限制只可以生三胎。」
何醫生認為傷口在兩個月後便康復：「再懷孕時，初期胚胎好細，懷孕後子宮會充血，反而令血液流通得好啲，有助子宮傷口復原，當胎兒脹至傷口位置，傷口復原會更成熟。」
from:
http://hk.apple.nextmedia ... 151022/19341978
