年屆半百的羅霖早前出性感寫真，獲冠以美魔女之名，但昨日有報導指她容貌崩壞，下巴疑出現增生肉及臉部離奇摺位。正身在泰國拍戲的羅霖昨日接受本報訪問，她表示：「係啲相角度，𠵱家啲相可以執得靚啲醜啲，我真人夠膽唔化妝見人，大細面、走樣，完全冇呢件事，我喺泰國拍緊戲，都冇人咁話我。」
羅霖承認三年前因做醫學美容代言人而打過美容針，但絕冇整容，近月更因工作忙貧血更覺消瘦：「打咗蛋白溶脂針，令到面形變尖，下巴位置會收緊，相對令到成個面形係瘦啲，呢個效果係維持到兩、三年，作為藝人少少微調係可以接受。」
羅霖被指下巴出現增生肉。資料圖片
劉坤銘昨日被問到會否覺得前妻羅霖樣貌有變，他認為差不多，亦會認得出來。
羅霖細仔子晉行騷，爸爸劉坤銘大讚他有表演天份。
「唔怕你哋去查」
羅霖對於再被指簽經理人公司的富商熊宏海照顧外，出入坐另一澳門富商何尚平的座駕，她解釋：「我都想嘗試上網搵嚇嗰個富商係邊個？係咩樣我都想知。其實我用call車公司出入，唔怕你哋去查。我哋公司個老闆，好少接觸佢，大概簽咗一年經理人合約，其實仲有半年就完，如果係捧我就做主角啦，我只係大配角，主要係日本演員。」羅霖更笑言有富商包，就不用工作辛苦：「我都51歲，仲要喺幕前演出，都係想搵多啲錢畀三個仔。如果真係有兩個富商照顧我，我唔使租屋出嚟拍戲，我都買樓啦。
此外，羅霖的細仔劉子晉昨日在尖沙嘴為慈善活動行catwalk，前夫劉坤銘都有現身，但子晉完成演出，未肯同父親合照。提到他前妻被指整容，會否覺得她樣貌有變？他指：「差唔多，瘦咗啲，靚咗啩，後生咗啩。」問會不會認不到對方，他即冷笑：「唔會唔認得，佢以前都有護理皮膚，基本美容都識嘅。」
羅霖早前接受有線高清娛樂台訪問，大談整容話題，她強烈否認整容，並指自己「好抗拒太假、太誇張嘅整容。」但羅霖明言未來的事無法預料，但不會過於執著自己的外貌，亦不會理會外界的說法，只在乎家人與朋友的看法。同一節目中又邀請了女星艾美琦（Amy）受訪，她坦承整容，隆胸由C變D，但她指完成手術後痛得像下地獄一樣，她稱為了獲得更多工作而整容，但卻是整容失敗的受害者，更後悔因此令家人飽受抨擊，她很心痛。
採訪、攝影：王連連
from:
http://hk.apple.nextmedia ... 151022/19341991
