汪琳、黃婉君（Rosanne）及傅楚卉3位媽咪，昨日分別帶同子女，在中環出席「Bookazine Star English創校10週年」活動，同場還有何鴻章大媳婦何苗春暉（Joanna）。
汪琳帶同將近4歲的囡囡Kesha現身，她覺得差不多是時候再追多個小朋友，不過上年卻不幸小產，令她情緒大受打擊兼留下陰影，汪琳憶述小產原因：「初初有咗應該唔可以抱小朋友，但我就照抱個女，仲同個女沖涼，有一日出席活動之後覺得好肚痛，返到屋企就發現有血，於是入院，當時只有6、7周。」汪琳表示小產後有努力調理身體，為未來再懷孕作好準備，她說：「個女都想有細佬妹，我就仔女都冇所謂。」
Rosanne一對兒子在場見到玩具，即雙眼發光。
Rosanne的細仔聽外籍老師講解，非常留心。
（左起）Rosanne、汪琳及傅楚卉互相交流湊仔心得。
Rosanne囝囝認係歌手
另外，Rosanne一對分別4歲及2歲兒子活潑好動，她透露安排了大仔上演戲及唱歌課程：「佢都唔係好有表演慾，不過我覺得生活上有藝術天份好啲，可以欣賞音樂、電影、歌舞劇，呢啲要自細培養。」問到兩子有否遺傳媽咪基因愛上唱歌？她說：「大仔知我係歌手，因為我喺屋企唱歌，爸爸同佢講我係歌手，大仔就話自己都係歌手，因為佢都有喺台上唱歌。」
不過Rosanne婚後專心當賢妻，沒打算再做幕前，她並有意進軍商界：「其實我做咗一個有關BB護膚產品研究4年，但冇一個產品確證有全天然有機成份，我希望將100%有機BB產品推出市場。」
採訪：黃曉妍
攝影：陳慧安
from:
http://hk.apple.nextmedia ... 151011/19328559
