曾經同趙薇N年前舊愛葉茂青傳過緋聞嘅汪琳，○八年下嫁商人Joey張，○一年生埋寶貝女Kesha做咗人阿媽。
當日汪琳出嫁，响金鐘港麗酒店筵開三十八席，嫁得風光，以為佢之後會繑埋雙手做少奶奶，點知婚後仲keep住拍劇，寧願賺錢買花戴都唔做廢人，上個禮拜五（十八日），《壹》仔响銅鑼灣利園見到手攞個七萬幾Hermes嘅汪琳喺Hermes shopping，打風流工又有老公俾錢買名牌，比起一班爭崩頭捱到殘先做到阿姐嘅花旦，好命真正得主，正是張太汪琳！
著皮草攞Hermes買Hermes，汪琳臨走前仲攞住張收據去商場服務台換免費月曆，發揮師奶本色。女照湊，劇照拍，曾經响《十月初五的月光》以及《騎呢大狀》上過二線尾嘅汪琳，家陣只以家庭為重。
