【池邊休息】
王宗堯和女友Christy昨日到酒店泳池鴛鴦戲水，被讀者野生捕獲。讀者提供圖片
【爆片爆相】男神王宗堯封盤，今個月初承認跟𡃁模Christy（黎紀君）拍拖，之前他更拖女友去日本補祝自己37歲生日，事隔短短半個多月，前晚王宗堯又孖女友蜜遊澳門，被本報讀者捕獲，讀者李小姐昨透過「爆相爆片」在電話說：「噚晚11點半喺澳門嘅喜來登酒店，見到佢哋辦check in，兩個人攞一條匙，雖然冇拖手，但眼神冇避忌，仲一齊搭𨋢上房。」
相片所見，兩人都着灰黑色情侶裝和戴cap帽，王宗堯左右手各攞兩大袋行李，Christy亦攞住黑色大袋及一支水，王宗堯眼神離唔開女友，兩人明顯打得火熱。
【水着沙龍】
愛攝影的王宗堯不停為女友拍比堅尼寫真，好趁青春留倩影。
王宗堯昨在社交網貼游水相，明顯是女友的傑作。
【孖住Check in】
王宗堯和女友前晚到澳門的酒店辦入住登記，被讀者爆兩人同房用一匙。
幫女友影水着照
昨午約12時，兩人去酒店泳池嬉水，又被另一位讀者K小姐捕獲，K小姐透過本報「爆相爆片」表示：「佢游咗幾個塘，之後喺池邊同女仔影相，佢哋都好小心，冇乜好close動作，上咗水就坐埋角落曬太陽。」擁33吋上圍的Christy着黑色比堅尼現身，身材索爆，下身就着白色短褲仔，拍過露股戲的王宗堯就着短褲游水，相對地比較保守。
昨王宗堯接受電話訪問，對於被讀者爆跟女友同房，他大方說：「同女朋友嚟澳門玩，大家都放假得閒，當然係book一間房啦，嚟到澳門玩點都要有個地方落腳嘅，係咪？唔通瞓街咩？今早起身去咗游水，𠵱家出去行吓食吓嘢，頭先撞到啲朋友，晏啲一齊食飯，跟住就返香港啦。」
問有否做足安全措施？他鬼馬說：「夜晚瞓覺有鎖門，都幾安全㗎，哈哈！戴帽戴口罩嗰啲，冇啦，我覺得藝人拍拖好正常嘅事，我寧願大大方方好過，俾人影到戴晒帽戴晒口罩，鬼鬼祟祟仲核突。」
採訪：皓騫
from:
http://hk.apple.nextmedia ... 151022/19341977
