黎瑞恩（小恩子）日前在沙田一間超市抽搐暈倒送院，幸留院診治後無大礙，昨日她在葵湧為好友李國祥的演唱會綵排，略見疲態的小恩子被問當日情況，她說：「今日嚟都飄嚇飄嚇，完咗綵排會去醫院覆診，唔知點解血壓超低，嗰日其實好精神，點知買買嚇嘢，兩邊好似閂閘咁黑埋，跟住冇曬知覺咁暈咗。」有指她當日嘔白泡？小恩子說：「我都唔知，淨係知自己抽筋，有一邊面戚起咗，不過瞓咗一覺好舒服，矇矓間聽到個女喺度喊，小朋友好擔心，但係我唔係好擔心一個人咁樣就會行咗去，好彩我未行，未有咁快。」
黎瑞恩雖然身體不適，但為撐李國仍然參加綵排。
問到緋聞男友鄭應南有否關心？小恩子說：「個個朋友都有關心，前夫（曾智明）亦有慰問，分開咗反而溝通多咗，可能做朋友好啲，佢都有同啲仔女見面，比以前仲多咗㖭，對小朋友嚟講係好事。」
採訪：張俊銘
攝影：陳順禎
from:
http://hk.apple.nextmedia ... 150923/19305471
