周秀娜娜姐長洲會伊健

1^# 大中小 young 發表於 2015-9-19 00:02 發短消息

周秀娜昨日到銅鑼灣出席nowTV記者會，透露明年參與大陸人氣綜藝節目《我們相愛吧》，監製希望她提供擇偶條件方便找配搭，目前單身的娜姐嘆氣說：「其實拍拖唔難，但搵真心難，因為根本冇時間相處。」

之後娜姐跟助手搭船去長洲會合鄭伊健拍戲，落船時被女粉絲野生捕獲合照，伊健在球場拍攝打籃球的畫面，還跟娜姐有一幕對手戲，吸引大批途人圍觀。不過，記者發現伊健好屎波，姿勢生硬，似乎不大懂得打籃球，其間工作人員更阻止記者影相，而他和娜姐拍完一個鏡頭後，就返回室內繼續拍攝。

採訪、攝影：吳耀輝、黃曉程
from:http://hk.apple.nextmedia ... 150911/19290276

廷伸閱讀/相關主題推介:

相關主題:周秀娜長洲

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-9-19 00:15 發短消息

師兄娜姐澳門鬥車

師兄（右）前晚低調撐女友，昨日就與娜姐合作宣傳。

劉浩龍（師兄）、周秀娜和方力申昨日在觀塘出席賽車活動記者會，他們將於11月到澳門參加格蘭披治大賽，周秀娜首次參加比賽，事前必須考牌：「頭兩日喺賽道練習導師話我速度較慢，怕我落場自己同其他人都有危險，但之後練習已經有進步。」她稱練習時候曾發生意外，她說：「練習嘅時候試過炒車，架車打個白鴿轉再撞石壆。」

容祖兒前晚在紅館舉行演唱會，劉浩龍有到場欣賞，有傳她想起母親跟師兄關係不好，師兄說：「唔會。」他知道祖兒在綵排時傷腰，問他可為女友按摩，他說：「得㗎啦！」他之後較忙碌，所以在這星期欣賞支持。

採訪、攝影：王連連
from:http://hk.apple.nextmedia ... 150913/19293225

TOP

3^# 大中小 young 發表於 2015-9-19 00:18 發短消息

娜姐台灣騷下周賣飛

有台北店舖疏忽早貼了娜姐個唱宣傳海報。

美國樂壇天后麥當娜（Madonna）的新一輪巡迴演唱會《Rebel Heart》日前在加拿大蒙特利爾揭幕，明年2月更殺入亞洲，香港、澳門及台北等地更是首度演出。之前傳舉辦機構Live Nation已入了1至9日期，但都未有正式公佈。

昨日台北站的海報終於曝光，有店舖疏忽早貼了宣傳海報，戴上后冠的娜姐被利劍穿心的造型圖片，更印上4日在台北小巨蛋舉行一場，海報未有透露票價，將於本月26日早上11時開賣。

香港方面雖未有官方公佈，可靠消息指會於2月17及18兩日在亞洲博覽館舉行，票價初定會分4類，最貴的VVIP座位會賣4,000元。

撰文：唐如
from:http://hk.apple.nextmedia ... 150914/19294287

TOP

4^# 大中小 young 發表於 2015-9-19 04:06 發短消息

伊健酒後臉紅唔揸車

鄭伊健前晚同朋友喺大坑嘆紅酒。

【大坑】鄭伊健前晚撇甩老婆蒙嘉慧，同兩男一女朋友喺大坑嘆紅酒。前晚大約9點鐘，記者發現伊健同三個朋友喺大坑一間意大利餐廳食飯，老婆唔喺身邊嘅伊健全程開籠雀咁不停講嘢，又指手畫腳，好似好興奮咁，其間亦見伊健飲完一杯又一杯紅酒，大約10點幾離開餐廳時已經臉紅紅，見到記者都有笑笑口，佢仲好乖，響應酒後勿駕的呼籲，離開時做乘客，坐朋友車，至於佢自己揸去嘅車就由同行朋友代為揸走，真係好榜樣喇！

採訪、攝影：陳辰、畢紹基
from:http://hk.apple.nextmedia ... 150916/19296550

TOP

5^# 大中小 young 發表於 2015-9-23 00:10 發短消息

娜姐港騷優先門票售罄

美國天后麥當娜（Madonna）巡唱上周六於布魯克林舉行，還請來名嘴Anderson Cooper搞氣氛（圖）。而娜姐明年2月17日假亞博館舉行的香港騷，門票本周五正式開賣，信用卡客戶則於昨早起優先訂購，但快達票網站卻顯示系統繁忙，有人投訴根本無法交易，電話熱線亦不能接通，網站即宣佈門票已經售罄。娜姐的亞洲各站個唱出現搶飛熱，當中台灣騷索價3萬台幣（約7,100港元）的最貴VIP套票更炒價飆升，歌手田馥甄（Hebe）日前在高雄開騷時稱：「我們這也有延伸台，但不用3萬塊，我們物美價廉，不像Madonna！」繼而被娜姐歌迷炮轟，批她未夠班與國際級天后相比。
from:http://hk.apple.nextmedia ... 150922/19304319

TOP

6^# 大中小 young 發表於 2015-9-29 16:57 發短消息

娜姐幫自己執靚樣

周秀娜希望推出更多公仔產品。

周秀娜與Chocolate Rain合作推出迷你娜姐布公仔nananana，日前她在中環PMQ接受專訪，表示現時工作太繁忙，需要慢活空間放鬆自己：「我好鍾意約埋幾個女仔傾偈，真係好少女心事嗰啲。」

對於nananana的誕生，娜姐笑指公仔樣執過幾次：「要改造幾次，個為食樣最似我，我鍾意粉紅色，所以幫佢着咗粉紅色leggings，佢可以有好多唔同造型㗎，大家可以幫佢造衫。我最想整工人褲，嚟緊有個手作坊我都會執一齊整。」除了公仔，還推出茶具、文具及相集等。

採訪：盧妹
攝影：仇志德
場地：Chocolate rain
from:http://hk.apple.nextmedia ... 150924/19306713

TOP

7^# 大中小 young 發表於 2015-9-29 17:52 發短消息

伊健自誇創意冇人明

鄭伊健成為某手機遊戲代言人，其實佢以前曾經計劃過親自設計遊戲程式，但佢話自己思想比其他人行得太快，所以暫時未有人真正了解佢嘅創意。日前伊健拍宣傳海報，分別以3個唔同造型登場，當中佢最鍾意皮褸look，因為代表拼搏期，正好係佢𠵱家嘅心態。伊健仲抵死話試過打爆機：「係部機打打吓太激烈跌落地爆咗，真係打爆機！」

撰文：馮仁昭
from:http://hk.apple.nextmedia ... 150929/19313381

TOP