陳奕迅（Eason）日前為新歌《人生馬拉松》拍MV，搵咗幾位馬拉松選手參與演出，包括曾截肢嘅馮錦雄、以鯊魚造型完成全馬宣揚「向魚翅說不」嘅符菁華同創辦「香港失明人健體會」嘅林威強等。Eason噚日接受電話訪問話：「馬拉松嘅選手都好有毅力，隻歌將馬拉松比喻人生，有高有低有起有跌有精采有失敗有沮喪有勝利，無論人生發生乜嘢事，有經歷過其實係精采。」
【視障教練】
新歌《人生馬拉松》MV搵嚟唔同跑手助陣。
【全馬鯊魚】
看不同風景
Eason話喺人生馬拉松入面，從來冇諗下一站係乜：「好難評價自己表現合唔合格，我覺得OK，實有啲嘢做得好，有啲嘢做得唔夠好，如果人生當係馬拉松，我會選擇走多啲彎路，彎路比直路有趣得多，跑嘅過程睇到好多唔同風景。」
呢首歌係講熱誠，歌詞非常簡單，Eason話：「希望歌曲鼓勵遇到挫折嘅朋友，我都俾呢隻歌激勵到，聽完心燒緊，覺得好有衝勁，好有信心排除問題，面對一切。其實我入行咁多年，最叻就係唔堅持，因為我太就人，但踏入40歲後，好多嘢越嚟越堅持，堅持唔係固執，咁先令自己唔會後悔。」
撰文：馮仁昭
from:
http://hk.apple.nextmedia.com/entertainment/art/20150908/19286325
