紅上宇宙嘅G.E.M.（鄧紫棋）喺噚日公佈「2015上半年微博風雲榜──最具影響力十大香港名人」，撼贏排第二嘅舒淇同第三嘅Angelababy成為冠軍，G.E.M.喺內地爆紅後是非纏身，呢個榜就係根據藝人喺微博上嘅活躍度、傳播力同覆蓋度計出結果。
汪峰帶領學員為G.E.M.唱生日歌。微博圖片
章子怡
章子怡蠟像嘅髮線高到似清朝人。
隔空耍花槍
前日24歲牛一喺成都錄影《中國好聲音》節目嘅G.E.M.，獲汪峰帶領學員唱生日歌為佢慶祝，好友何超蓮同李蘊更飛成都吻賀壽星女。不過，噚日章子怡喺微博隔空同男友汪峰耍花槍：「Ziqi有，Ziyi沒有，等著回家跪榴槤。」有指因汪峰錯叫紫棋做子怡，網友取笑子怡呷醋。此外，四川山寨蠟像館在未經授權下，展出多位巨星級藝人蠟像，其中子怡蠟像嘅髮線高到似清朝人，子怡經理人怒斥過份：「我們會找律師發信把子怡的蠟像撤走。」而蠟像館方面亦已同意撤走子怡蠟像。
今年升呢做黃曉明老婆嘅Baby登上微博風雲榜第三位，噚日Baby喺北京出席新戲《新娘大作戰》記者會，著黑白短裙向天津災民悼念，有指曉明夫婦捐200萬人民幣救災，Baby話：「第一時間看到這個消息時，就與黃先生商量，覺得應該做點甚麼。」問到兩人10月8日喺上海擺酒嘅傳聞，Baby表示現階段唔適合講，不過同場倪妮就爆消息係堅，仲話自己會做伴娘。
Baby舊愛陳偉霆因拍內地劇爆紅，排梗頸四，其他依次為王祖藍、鄭秀文、古天樂、蔡少芬、李治廷同薛凱琪。
撰文：馮仁昭
馮仁昭
from:
http://hk.apple.nextmedia ... 150818/19259656
