兩人於《三城記》第一次合作。
在片場上的導演權力至高無上，不少演員都想演而優則導，視導演一職為終極目標。不過青雲就曾被「告誡」這是條不歸路，他笑說：「如果我諗到想拍乜嘢我會做，如果我有一樣嘢想話畀大家聽，我會做一次。不過我唔會強迫自己去做導演，萬一我成功咗點算，你有冇諗過後果先?導演爾冬陞就同我講過一件事，佢話『如果你導演一部戲成功咗，咁以後都冇人搵你拍戲』。」而在內地中央戲劇學院導演系畢業的湯唯雖然紅褲子出身，但一直都未有的起身肝學以致用，她說：「以前同戲劇學院老師見面，佢都叫我做導演，每次同我講『湯唯，你不要忘記你是導演系畢業的』，我都係答佢『冇興趣呀』。直到佢最近走咗，我開始想係咪真係應該諗下(做導演)呢?或者30年、50年內做一次。」
談到不同地區導演的風格，先後和台灣、香港、美國和韓國的導演合作過的湯唯輕描淡寫的說：「都係性格同語言唔同，外國人咪用英文，中國人咪用中文，主要喺脾氣唔同。」已嫁韓國導演金泰勇為妻的湯唯，評到自己丈夫時她甜笑着說：「佢惟一唔同係做導演之前係讀政治外交，其他冇唔同。」湯唯回想入行初期，曾經有一段跟導演的經歷令自己很難忘，雖然她沒有指名導姓，但不難聯想就是拍導演李安的《色，戒》時發生，她說：「嗰一次拍有好多人，大概幾百人喺度等喊，但我喊唔到，搞到幾百人喺度等。導演喺度發自己脾氣，雖然佢冇鬧我但我好難受、好自責，如果我喊到佢就唔會發脾氣，最後我都喊到出嚟。」而青雲自言不怕導演發脾氣，只怕他們說一句話：「最驚導演喺片場話『嚟多個』，跟住拍完之後又嚟多個，咁即係點。嚟多個即係有問題啦，但又唔會畀時間你諗就已經要再拍。」而湯唯對『嚟多個』有不同見解，她說：「成日都覺得自己做得唔夠好，可以嚟多個又唔駛我錢梗係好啦。不過最警都係啲導演話『好、perfect、完美嚟多個』，嗰啲係最多。」
湯唯拍戲時試過喊唔出，搞到導演發脾氣。
青雲演戲多年一直未嘗試做導演，佢話覺得自己諗嘅故仔未夠完整。
採訪：何永寧、黃芷蔚
攝影：郭賢興、廖達燊、馮峰
from:
http://hk.apple.nextmedia ... 150829/19274561
