G.E.M.新歌《新的心跳》不論造型場景同動作，都有抄襲之嫌。
宇宙巨G.E.M.鄧紫棋的是非停不了，新國語歌《新的心跳》繼被網友插爆旋律疑抄襲美國天后Katy Perry舊歌《Firework》，昨日又有網友曲線狂寸G.E.M.：「新歌MV又畀一眾歐美歌手坐時光機連環抄！」質疑這首MV三合一炒雜燴式抄橋。
【抄造型】
G.E.M.的戴眼鏡薯嘜學生look，被指混合偷橋當新料。
Katy Perry《Last FridayNight》
【抄場景】Iggy Azalea《Fancy》
抄足造型場景動作
G.E.M.在MV中化身四眼薯look學生妹，跟Katy Perry的《Last Friday Night》MV中儍大姐四眼造型大同小異，兩者的背景都在睡房發生，而Taylor Swift的舊歌《You Belong With Me》MV，剛巧造型又是四眼妹look，亦是在床上跳來跳去，情景類似。
至於Iggy Azalea於去年拍攝《Fancy》MV，就跟G.E.M.的新歌MV同樣用校園背景，同樣在學生儲物櫃前取景，難怪網友曲線揶揄G.E.M.：「啲歐美歌手真係勁，識得一個MV拆開三個嚟抄，不過咪一樣捉到，下次唔好咁蠢，搵正D咁hit嘅歌（《新的心跳》）嚟抄喇！」亦有網友直踩G.E.M.：「中國Taylor Swift喎！乜抄人咁折墮豬？」
至於G.E.M.在MV扮書呆子，在校園被鬼妹學生欺凌，網友亦有意見：「點解大陸人嘅MV同故事永遠都係去到外國比人蝦？好多人都願意同亞洲人做朋友，大陸人就成日覺得全世界都係敵人。」昨日本報聯絡G.E.M.查詢被批評抄襲，但至截稿前沒回覆。
撰文：皓騫
from:
http://hk.apple.nextmedia ... 150722/19227455
