不獲發免費牌的香港電視，雖然仍有兩宗有關發牌的司法覆核案未了，但因前景仍不樂觀，加上收視急跌，所以王維基已決定暫停一切節目製作。而港視播完《四年B班》後，將於本月24日播出以整容為題材的《三面形醫》，對於香港劇集來說，題材都頗為新鮮，港視更會突破電視尺度，披露整容過程，相信在整容風氣旺盛下，有一定的吸引力。
總導演關樹明稱今次開拍此片實屬緣份，多得各方面配合才能拍成此片。
在《三面形醫》中，不乏整容的場面，在劇集方面甚為罕見。
演員親身上陣
昨日本報率先得到一批劇照，披露劇中部份場面，第一集會有割雙眼皮手術，整個手術過程將會呈現，因部份過程頗為血腥，故會以黑白畫面處理。第二集會安排女藝員林影紅打botox。
《三》的總導演關樹明接受電話訪問說：「我哋曾經度過開刀或者抽脂嘅場面，因為唔想啲手術變成冇功能嘅嘢，我哋嘅出發點希望由林文龍、艾威同姜大衛三個醫生各有功能同賣點。以前睇醫生好親切，但係𠵱家變咗好機械化去做，我哋做咗好多資料蒐集，除咗醫病，亦都醫心態。」
飾演整形醫生的林文龍亦在電話中說：「我相信今次係香港第一次喺劇集出現呢啲鏡頭，我拍咗咁多年都未參與過啲真實場面嘅手術。」問他會否為劇集進入倒數階段而可惜？他坦言：「演員只可以做好本份，喺觀眾層面上，會覺得少個選擇而可惜。」另一方面，親身上陣的林影紅說：「接拍前都有掙扎，但係我睇返啲片都覺得好睇。」
採訪：何慧斯
from:
http://hk.apple.nextmedia ... 150710/19214369
