香港電視娛樂明年開台，其中以真人騷為題材的節目將於下周拍攝，找來八位靚女演出，有別於爭寵鬧交的真人騷，今次是要實牙實齒的打，而且是受傷率極高的綜合格鬥技（MMA）。
答應演出的靚女包括前HotCha成員黎美言（Winkie）、鄧穎芝、龍小菌、退選港姐劉燕妮（Rika）、唐紫睿（Hazel）、跟崔建邦傳過緋聞的郭思琳、香港速度滾軸溜冰運動員王蘊妮及阿旦鄧洢玲。目前她們正苦練巴西柔術、泰拳及西洋拳準備出賽，因為真打為防意外，她們都要簽下生死狀，據知頭場比賽將由龍小菌惡鬥Hazel。
格鬥節目倡真打，事前要簽生死狀。
自言壓力大
Hazel昨在記者會預告如被打爆面會整容，她說：「因為之前好性感，希望畀另一面大家睇，知我好努力。之前手受傷要出入跌打館，節目令自己壓力好大，自己預咗受傷，問定韓國、台灣整容醫生，如果打爆咗會去整。」鄧穎芝則說：「訓練咗幾個月，好在對手唔係對Hazel，佢身形高大過我，之前自己都扭傷手腳。」
採訪：羅慧敏
from:
http://hk.apple.nextmedia ... 151021/19341000
