特首梁振英女兒梁齊昕年初傳出要加入娛樂圈，即有導演劉俊輝力邀她處女演齣電影《男極探射燈》，可是開戲前，齊昕卻臨陣辭演，劉俊輝嬲爆開記招發聲明，當中提到「我們受夠了」。《男》片被迫換女主角，最近宣佈由影圈新人楊子瑤執二攤，記者日前問楊子瑤覺自己那方面較齊昕優勝，楊子瑤即說：「我正常啲啩！」被寸爆的齊昕前晚馬上在facebook留言反擊：「What is歪星楊乜what瑤？」齊昕擺明揶揄楊子瑤是「奀星」。
楊子瑤（右）早前宣佈頂替齊昕參演《男極探射燈》。資料圖片
梁齊昕high爆，與外籍猛男大玩功夫。
錫錫Suki面頰
齊昕連日曝光不絕，她前晚又在清水灣出席一個週年派對，並遇到徐淑敏（Suki）夫婦、謝安琪、周家怡、李逸朗和楊思琦等，齊昕全晚不停集郵，齊昕又賣萌嘟嘴作狀錫錫Suki面頰，照片更貼上社交網分享，兩人全場糖黐豆。
Suki昨日在電話中說：「我哋之前見過，食過飯，齊昕個人好爽直易相處，好nice，又玩得，成日笑好sweet。我哋乜嘢都有傾，我仲介紹場中一啲藝人朋友畀佢認識，齊昕好受歡迎。」Suki和老公黃浩前晚都有帶著三名寶貝女和奶奶出席，三代同堂。
Suki表示也有跟齊昕分享扮靚心得，可有打算邀請齊昕做其護膚品代言人，Suki說：「請唔起佢，我有送畀佢試用。」齊昕前晚在派對上玩得非常盡興，更風騷扭腰跳舞。
採訪：陳傑
梁齊昕嘟嘴咀徐淑敏（右）臉頰，兩女糖黐豆。
謝安琪一身花裙出席週年派對，與黃浩十分好傾。
from:
http://hk.apple.nextmedia.com/entertainment/art/20150614/19183528
