李逸朗同情梁齊昕「佢一定壓力大」

李逸朗前晚見完梁齊昕後，昨在紅磡接受本報訪問，他說：「第一次見面覺得佢幾特別，冇小姐脾氣。」問跟特首女傾甚麼？他說：「冇呀，最記得佢話拍戲之前要多啲排戲，估唔到佢咁努力，佢話睇咗劇本，我就得個大綱。」齊昕有否指爸爸給壓力阻拍戲？他說：「冇，提都冇提。」

對於齊昕左手傷勢疑似𠝹手，Don說：「唔知喎，據說之前佢有𠝹手，作為朋友唔希望佢自殘，我覺得佢一定壓力大，我經過《儍女》一役知網民可以講得好狠毒，佢得二十幾歲做每件事都成為焦點，俾人無情蹂躪，佢係好辛苦，所以希望佢堅強啲，屋企人冇得揀，希望大家對佢寬容啲。」會否約齊昕食飯增加瞭解？他說：「我都好怕壓力，現階段未必會。」怕傳緋聞或被指博宣傳？他無奈說：「呢啲我冇辦法，只想做好工作。」

採訪：溫敏芝、盧妹
攝影：陳慧安
from:http://hk.apple.nextmedia ... 150218/19046249

Don（中）早前到dbc數碼接受吳綺莉的節目訪問。

歌手李逸朗（Don）近日因用獨特哭腔翻唱陳慧嫻歌曲《儍女》，在網上人氣急升，更因此被導演劉俊輝看中，在暫名《男極探射燈》的電影中擔正跟梁齊昕合作，以男女主角身份出現。據聞兩人戲中會飾演一對情侶，雖然沒有床戲但會有幾場咀戲。對於有傳《男》片可能因為有人買回齊昕份合約，而導致胎死腹中，李逸朗昨日透過助手以短訊回應表示未有聽聞：「一直通知我哋三月八日開拍。」不過就透露跟電影公司仍未開過工作會議，所以暫時未有機會跟齊昕碰面。

另外，早前Don去到dbc數碼接受吳綺莉主持的節目《越界傾情》訪問，他自言是怪人一個，例如他會覺得假如不快樂賺到錢也沒用，認知跟大眾有出入。
from:http://hk.apple.nextmedia ... 150227/19056185

李逸朗（右）和鄭敬基昨以哥哥的經典造型出席記招。

李逸朗（Don）和鄭敬基將於下月一日在九展舉行《我們的哥歌一夜音樂會》，昨日兩人分別以張國榮（哥哥）胭脂扣及大熱演唱會長髮長裙造型現身，Don作女性打扮又刻意模仿哥哥，但他對未能一睹哥哥真人風采而感遺憾：「我簽約入行第二日哥哥就走咗（離世），冇緣見面。」

至於他本和梁齊昕合作劉俊輝執導新片，但如今電影開拍無期，Don說：「𠵱家唔知，公司意願係三月唔開，四月冇時間。」問他會否邀請齊昕睇音樂會？Don不留情面說：「點解要請呢？講笑啫，佢同電影公司都忙，我想焦點放番音樂會，門票係公開售賣，當然歡迎佢嚟捧場。」

採訪、攝影：卓寶花
from:http://hk.apple.nextmedia ... 150311/19071214

梁齊昕無辜成為李逸朗與經理人反面的導火線。

資料圖片
現年32歲的李逸朗（Don）入行12年，至兩個月前用「哭腔」翻唱陳慧嫻的《傻女》成功出位，無論工作及見報率皆破其個人紀錄，上月在中環舉行首個蚊型演唱會，因有特首女梁齊昕捧場，更令他成功登上A1頭條，人氣爆燈。但原來Don與經理人Kitty媽因為「是否邀請齊昕睇騷」意見不合，最終反面收場，結束合作關係。

李逸朗（左）與經理人（右）發生爭拗。

李逸朗日前仍出席宣道活動，並未透露反面端倪。互聯網圖片
炸爆WhatsApp發邀請

後日（4月1日）是張國榮逝世12周年，Don與鄭敬基會於九龍灣展貿舉行「我們的哥哥一夜演唱會」，據知Don亦有邀請齊昕現身撐場，本來齊昕亦答應出席，惟本月中她突然在facebook留言聲稱遭家暴，很想離家出走，之後在Instagram貼相貼文，暗示自己已離開香港，亦即是將無法現身九展捧Don場。知情者說：「過去兩個星期，都有人不停WhatsApp齊昕，想佢飛返嚟睇騷，齊昕其實都推咗話唔會返嚟住，但嗰個人依然不停咁搵佢，前幾日都仲揾緊，Kitty媽仲接到投訴電話！」

知情者又爆料：「Don上個月請齊昕去中環睇騷，原來Kitty媽之前都唔知，覺得Don好似利用齊昕宣傳，兩個人已經吵過一次大鑊。」本報昨日聯絡Kitty媽，對於與Don結束合作關係，她直認不諱：「4月1日我會離開公司，大家合作會結束。（有傳因為Don請齊昕睇騷，你哋鬧意見？）詳情唔講喇！合作係講緣份，每個人諗嘅嘢都唔同，我都想佢好，佢做嘢好努力，希望將來可以再合作，會祝福佢。」至於Don則於截稿前沒有回覆。

採訪：小米

梁齊昕上月捧李逸朗場睇騷，他更拖對方上台。

李逸朗與梁齊昕曾一起與工作人員食飯。

資料圖片
【話你知】戰友變敵人

藝人和經理人關係好密切，但往往會因意見不合、又或者不同因素，搞到最終反目收場。

張栢芝

1999年張栢芝曾以「經理人條件太苛刻」為由要求與經理人朱永龍解約，而鬧上法庭。近日連一向疼愛她的向華強夫婦亦公開數臭她工作態度有問題，更揚言永不錄用。

蔡楓華

2011年蔡楓華在好友盧敏兒和孫敬安幫助下復出歌壇，但蔡楓華以為自己是「巨星」，跟盧敏兒反目。

江美儀

2013年江美儀被前經理人Toyi大罵反骨，有指江曾拒接工作及臨時甩底，最終反面收場。

江若琳

2014年江若琳指寰宇電影公司沒出糧，白做了十年，合約糾紛仍未解決。

張學友

2015年張學友承認與陳淑芬有意見分歧，還強調自己才是自己的經理人，結束合作關係。
from:http://hk.apple.nextmedia ... 150330/19094595