文詠珊鉸剪腳箝實家輝

張學友和張家輝在新戲《赤道》鬥智鬥力，文詠珊（Janice Man）就變身性感打女跟家輝激戰，施展鉸剪腳和手指插眼打殘家輝，為打得逼真JM專誠到前輩楊盼盼的武館接受半年特訓，每日拉筋打拳，電影公司還安排她跟退役美軍訓練，操到她有六嚿腹肌。

JM說：「我同家輝哥只排咗幾次，佢拍完冇當我係女人，因為大家都打得好狠。」被JM打到爆缸的家輝說：「JM拍完同我講：『好彩冇事，我好驚呀，驚畀你打親呀！』其實佢身手好敏捷，可以做新一代打女，呢期都冇乜女演員打得，JM挑戰楊紫瓊要再努力學武。」

撰文：皓騫
from:http://hk.apple.nextmedia ... 150427/19126415

Janice Man同葉祖新全程孖住行，但冇乜親密舉動。

【機場】Janice Man（文詠珊）自組公司後，大多時間喺內地拍劇掘金，不過，前幾日就俾記者喺香港機場撞見佢，佢身邊仲有一位男子，但就唔係上年被雜誌影到嘅富二代男友Carl（吳啟楠），而係喺《步步驚心》入面演「十爺」，啱啱同內地女友蔣欣分手嘅葉祖新。

當日大約黃昏6點，記者發現化晒妝，着短褲嘅JM喺離境大堂出現，佢不停㩒電話發短訊，但亦保持高度警戒周圍望，原來佢約咗葉祖新，佢哋會合後去咗茶餐廳醫肚，之後一齊入閘，雖然二人全程都冇乜親暱舉動，但JM煞有介事咁，反而令人好多聯想喎！

採訪、攝影：畢紹基、潘冠恩、羅德光
from:http://hk.apple.nextmedia ... 150603/19169766

文詠珊（JM）去年收3,000萬加盟太陽娛樂，加上自組公司做老闆，又北上拍劇，收入大躍進，絕對稱得上是小富婆。除了事業得意，JM感情亦有着落，皆因她與去年被雜誌影到同車返家、任職黑石集團（Blackstone）私募股權投資總監的富二代吳啟楠（Carl Wu）發展穩定，只是JM死口不認戀情。

老友掩護

本報讀者小河日前透過爆相爆料，分享在台灣十份巧遇JM的相片。相中JM的裝束，與上周五（5月29日）在香港機場與內地演員葉祖新結伴出境時相同，不同的是JM身邊換上男友Carl，另外一男一女則分別是趙雅芝兒子黃愷傑及其圈外女友劉凱茵。

讀者昨日透露相片是在上周六（5月30日）下午1時多拍攝，地點是十份的觀瀑吊橋附近，發現JM一行四人：「佢（JM）有發現我哋望佢，跟住就不斷迴避，表現得好唔自在，之後佢哋向橋嗰邊行，就無再留意佢去咗邊喇！」回港後，黃愷傑及女友都有貼旅遊相片到社交網，包括嘆日菜及放天燈的照片，但二人明顯保護JM的戀情，劉凱茵上載的只是與JM或與男友的合照，而黃愷傑更索性只放自己及女友的合照，全程當Carl隱形。

讀者上周六發現JM等人到十份遊玩。讀者提供圖片

JM走在Carl前面，Carl不經意摸JM玉背。讀者提供圖片

JM（左）與黃愷傑女友劉凱茵打扮幾乎一模一樣。互聯網圖片

Carl　資料圖片
愛得低調

知情人昨日透露：「JM好緊張呢段感情，加上Carl唔鍾意佢成日要返大陸做嘢，過去一年根本冇時間拍拖，所以JM唔使開工就一定交人，陪Carl離開香港拍拖，亦唔敢高調，怕戀情見光死。」事實上，JM出道至今，只公開過與初戀男友李冠峰的一段情，前年斷正被影到與製衣廠太子爺衞以德蹺手拍拖亦依然否認，今次亦不例外。

採訪：李察
from:http://hk.apple.nextmedia ... 150605/19172467