《歌手》導演扯火鄧紫棋G.E.M.恐被Out

1^# 大中小 young 發表於 2015-4-5 14:28 發短消息

相關主題: 鄧紫棋

內地歌唱節目《我是歌手》今個星期五舉行雙年巔峰會，叫埋班第二季同第三季參賽歌手再PK，G.E.M.、張傑都喺名單入面，仲有兩日就錄影，前晚總導演洪濤喺微博發脾氣話：「你不換歌，我們換人！晚安！」有網民就插佢搞宣傳都唔係第一次，同時又有網民爆料話歌手係早前同樣喺《康熙來了》「堅持唱自己新歌」嘅歌手G.E.M.，仲話想喺雙年巔峰會上演唱自己嘅新歌，而湖南衞視就想佢唱一首老歌，兩邊溝通唔掂搞到有啲扯火。另外，最後一集中途退賽嘅孫楠，亦俾湖南衞視正式封殺。

此外，《我是歌手》第三季冠軍韓紅跟陳奕迅合唱《十年》，即係廣東話版嘅《明年今日》，播出後引來極大迴響，更掀起網民罵戰。

網民惡搞韓紅飆高音嗰時，仲加埋Eason好似被嚇親個樣。互聯網圖片
網民惡搞韓紅

有人鬧爆韓紅將一首淡然愛情故事嘅歌搞錯曬，係唔係都飆高音，仲用「包租婆腔」糟蹋首歌。班網民又改圖捕捉韓紅嗌歌，Eason好似被嚇親嗰個樣，後面就加咗句對白「睇住呀！」，認真抵死！

撰文：馮仁昭

馮仁昭
from:http://hk.apple.nextmedia ... 150401/19097032

廷伸閱讀/相關主題推介:

相關主題:鄧紫棋

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-4-5 14:42 發短消息

《我是歌手》巔峰會踢走G.E.M.

鄧紫棋被指堅持唱新歌而激嬲導演洪濤。微博圖片

內地歌唱節目《我是歌手》個總導演洪濤前日就喺微博留言話「你不換歌，我們換人！」早就有人估計係講「宇宙巨G.E.M.」鄧紫棋堅持要喺聽日舉行嘅《我是歌手》雙年巔峰會入面唱自己嘅新歌，激嬲咗導演，結果噚日洪濤就寫咗篇長文親自解畫，仲估佢話唔係要換走G.E.M.，點知廣大嘅歌迷要失望啦！真係換走G.E.M.。

洪濤　資料圖片

鄧紫棋噚日急急喺微博寫文耍冧。微博圖片
補鑊認衰

原文寫到明G.E.M.要求唱自己新歌，其他歌手有樣學樣，結果導演終於頂唔住，要大家換歌，而G.E.M.換唔到歌喎，結果導演就話：「我們萬不得已做出了最後的決定——替換鄧紫棋、補入A-Lin及第一季部份歌手、雙年巔峰會改為2015巔峰會。」

G.E.M.似乎都知道玩大咗，噚日即刻喺微博認衰，兼且寫咗一大段文字解釋，仲希望動之以情咁話：「請原諒年輕的我，無法應對突然的變化，甚至會慌了手腳，這一次也讓我深深的知道我與前輩們的距離。」更話「如果當初沒有洪老師給的機會，沒有《我是歌手》這個平台，大家可能還不知道鄧紫棋這個名字」。雖然強調自己會飲水思源，但係就解釋因為怕草率換歌而犧牲咗品質，咁樣仲對唔住呢個舞台喎。

撰文：馮仁昭

馮仁昭
from:http://hk.apple.nextmedia ... 150402/19098425

TOP

3^# 大中小 young 發表於 2015-4-5 14:45 發短消息

G.E.M.粗口鬧工作人員仲有片？

全盛時期嘅鄧紫棋(G.E.M.)可以得罪幾多人呢?繼香港同台灣傳媒之後，喺內地「發跡」嘅宇宙巨G.E.M.，連內地傳媒都開始「爆內幕」。

因為參加《我是歌手》爆紅，但係早前傳出G.E.M.因為想喺《我是歌手》雙年巔峰會唱新歌，而激嬲導演洪濤，點解咁想唱新歌？有得宣傳新碟又可以有曝光，係人都想啦，咁但係點解有啲節目唔俾唱新歌?好似上次G.E.M.上台灣《康熙來了》咁，節目性質理應唔可以作宣傳，唱新歌有機會觸犯條例被罰錢。講到咁，其實好多歌手都唔會太堅持，但就傳出G.E.M.經理人張丹土豪金上身，話罰錢佢哋俾咁話。

o依家輪到佢想喺《歌手》唱新歌，到最後張歌單真係飛起咗巨G.E.M.，洪濤方面表示係「蜂鳥公司提出因無精力準備翻唱，如果能唱新歌才答應來」，點解翻唱冇精力，唱新歌就有精力呢?呢個係一個謎。

好啦，今日內地新浪網就有位音樂圈中人爆料，話原來早喺G.E.M.上年參加《歌手2》，已經囂到爆炸，仲話佢對住工作人員爆粗「xx(估計是fxxk)you」，仲搞到個工作人員喊起上嚟，報道話呢個畫面當時有拍低，有人提G.E.M.唔好咁，G.E.M.就冇有怕話:「沒關係，他們不敢播的。」

該名音樂圈中人話G.E.M.「又想要錢又想打歌」，不過《歌手》呢個節目一向以翻唱為初衷，舊年G.E.M.都參加過巔峰會理應非常精楚，所以並不存在好似G.E.M.咁講，臨時要求佢換歌云云。
from:http://hk.apple.nextmedia ... 150403/19100341

TOP

4^# 大中小 young 發表於 2015-4-5 14:50 發短消息

經理人道歉變宣傳G.E.M成箭靶

張丹指G.E.M.只有兩日時間綵排，是不可能改歌。

資料圖片
宇宙G.E.M.在湖南衞視《我是歌手》節目爆紅，最後要在這個地方跌低。昨日有網友「星扒皮」爆料，透露湖南衞視工作人員指G.E.M.已被下令全面封殺，無論是音樂視頻，綜藝節目等不會再用她。而昨日凌晨G.E.M.經理人張丹在微博發表一份聲明，他說：「因為我們的一些做法而導致大家不安，首先，我向大家道歉。」

大概是因為G.E.M.在《我是歌手》雙年巔峰會唱新歌的事，激嬲導演洪濤，G.E.M.被撤走，A-Lin代替演出。本來是道歉，但是在文末，張丹又再一次為G.E.M.宣傳新碟「紫棋的全新專輯正在……值得期待的音樂。」難怪音樂圈中人會認為G.E.M.又想要錢又想打歌。

稱冇時間改歌

張丹在文中為G.E.M.申辯，因只有兩日時間綵排，G.E.M.不想做一場令自己及歌迷都不會滿意的表演，節目組臨時要求換歌，所以決定退出。不過網民普通不太接受解釋，紛紛留言道：「紫棋要發新專輯和道歉有關係嗎」、「大家都被說服換歌，說明不是針對你一人，你不換是對歌迷負責，堅持最純粹的音樂，那在你眼裏換歌的歌手又是甚麼？」。

撰文：非非

張丹在微博發聲明，向G.E.M.的歌迷道歉。

張丹
From:http://hk.apple.nextmedia ... 150404/19100979

TOP

5^# 大中小 young 發表於 2015-4-10 15:13 發短消息

G.E.M.遭暗寸未夠班

G.E.M.至昨日仍未就沈夢辰的言論作回應。資料圖片
參加內地節目《我是歌手》爆紅的鄧紫棋（G.E.M.），因在雙年巔峰會堅持唱新歌激嬲導演洪濤而被撤走，雖然她的經理人張丹事後發聲明道歉，可惜仍傳湖南衞視下令全面封殺。

前晚雙年巔峰會如常在湖南衞視舉行，胡彥斌重新演繹張惠妹的《原來你甚麼都不想要》，主持沈夢辰事後大讚胡彥斌：「斌斌這首歌是臨時換的，只用了6個小時改編，可見他的音樂素養實在太好了。」似乎是暗寸G.E.M.。G.E.M.至昨日未有再為事情解畫，只在ig和fb分別貼上電影《受難曲》的相片。而她昨在上海出席活動時否認被封殺，並將事件當為一個學習機會，希望事件盡快平息。

撰文：張曦彤
from:http://hk.apple.nextmedia ... 150405/19101593

TOP

6^# 大中小 young 發表於 2015-4-10 15:25 發短消息

G.E.M.被封殺喊驚

鄧紫棋（G.E.M.）被指激嬲《我是歌手》導演洪濤，再被指曾爆粗鬧喊工作人員，雖然G.E.M.已經寫信道歉，但仍傳湖南衛視下旨全面封殺。G.E.M.前日喺上海出席活動時，哽咽承認洪濤有私下短訊自己要求換歌：「我覺得有點莫名其妙，看了新聞後很害怕。」仲話會自我檢討吓。而洪濤日前提到G.E.M.嘅經理人張丹，即時火起話對方態度惡劣到無法接受。

撰文：馮仁昭

馮仁昭
from:http://hk.apple.nextmedia ... 150406/19102610

TOP

7^# 大中小 young 發表於 2015-4-12 16:23 發短消息

G.E.M.壓力大曾想退出娛圈

昨日離開上海時，G.E.M.在機場引來粉絲拍照。

鄧紫棋（G.E.M.）一直以來面對是非傳聞都是兵來將擋，水來土掩，以強勢頑抗一切負面新聞，不過，最近她態度軟化，改用以柔制剛的方法希望將負面情緒降溫。前日她在內地出席一個品牌活動，被問到「耍大牌」一事，G.E.M.承認在娛樂圈感到很大壓力，亦曾想過「退出」，她說：「確實曾經有過想要退出娛樂圈的念頭，但是親朋好友一直支持着我。」

被一再追問會否考慮退出，G.E.M.即解釋：「冷靜下來之後，覺得還是要堅持自己所喜愛的事業，不能因為一點挫折就放棄最重要的事情。」只是想過「退出」的G.E.M.，提到在內地走紅卻被網民劣評，她說：「這是每一個藝人成長中所必經的道路，幸好我的親人和圈內好友都會幫我排解壓力，這讓我感到非常開心和感動。」

G.E.M.前日在上海出席活動，一改態度面對傳媒有問必答。

馮允謙曾與G.E.M.傳出緋聞。資料圖片

G.E.M.頻頻在微博上載溫馨照，昨日大晒跟外公的合照。

未拍拖諗結婚

G.E.M.繼續暢所欲言，談到愛情，她說：「我內心還是很渴望戀愛，但是希望下一段戀情可以以結婚為前提，能夠開花結果幸福地走到最後。」她透露自己很喜歡家中玩煮飯仔。G.E.M.下月開始在內地巡迴演出，下半年推出專輯，她被問到之後又會不會再參加「真人騷」，G.E.M.說：「這個要看時間的調配，『無懼挑戰，成就自我』是鄧紫棋的座右銘。」據知，G.E.M.日內將前往美國Mojave太空站進行「太空之旅」，成為首位登上太空的華人歌手。

另外，G.E.M.昨日繼續在微博報告行踨，她上載了一張抱住公公的溫馨照，寫道：「外公外婆，我回來了！」

撰文：非非
from:http://hk.apple.nextmedia ... 150412/19109129

TOP