鄧紫棋G.E.M.霸氣罰錢自己畀

1^# 大中小 young 發表於 2015-3-26 12:23 發短消息

相關主題: 鄧紫棋

鄧紫棋（G.E.M.）上個禮拜係台灣小巨蛋開完演唱會後，噚日又傳出佢錄影《康熙來了》時，節目安排佢唱番佢成名作《泡沫》，但佢經理人就堅持要唱新歌，製作單位轉告話驚涉廣告而被罰款，經理人就話要罰幾多錢？佢哋自己出，最後幾經溝通，G.E.M.先唱番《泡沫》。另外，G.E.M.最近都上咗一個電視節目，唔知係咪最近太多流言蜚語，鄭少秋就勸佢：「笑多啲，開心多啲，笑看風雲。」

撰文：馮仁昭

馮仁昭
from:http://hk.apple.nextmedia ... 150320/19082629

廷伸閱讀/相關主題推介:

相關主題:鄧紫棋

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-3-26 14:18 發短消息

G.E.M.呻被屈喪喊

G.E.M.（小圖）前日在fb貼相指跑步令左腳受傷。

鄧紫棋（G.E.M.）早前在台灣個唱被指發福，近日似乎積極減磅，但卻生意外，前日她在facebook放上一張左腳受傷相，並說：「故事的教訓是，太累就休息，還跑甚麼跑！」

G.E.M.近年爆紅，但與傳媒關係卻日漸變差，日前她接受周刊訪問提到去年底新城勁爆頒獎禮被指遲大到出席慶功，據悉她當晚於凌晨一時四十五分出現，她解釋是新城公關謂「點零鐘」到便可以，還表示有特意整曲奇與傳媒修補關係，怎料被連番質問，讓她登車離開時委屈得崩潰大哭。另有指她向台媒稱「太累」、「嗓啞」減短訪問時間，但卻被影到嘆麻辣鍋和炸雞，疑又耍大牌；G.E.M.同事解釋是記者沒看演唱會，認為對方未能問有質素問題，又否認馮允謙是其男友。

撰文：嵐山
from:http://hk.apple.nextmedia ... 150322/19084956

TOP

3^# 大中小 young 發表於 2015-3-26 14:34 發短消息

阿姐寸G.E.M.家不在港

阿姐呼籲G.E.M.「經過」香港時上節目。電視圖片

唱歌唱到獲封為「宇宙G.E.M.」嘅鄧紫棋，雖然有唔少人大讚佢啲歌藝，但人紅咗對事情有唔同睇法，難免會惹嚟是非，好似鄭少秋同汪明荃（阿姐），前排佢哋喺節目中講，若果要搵一個後輩唱佢哋嘅經典歌會搵邊個，鄭少秋揀咗阿G.E.M.唱《笑看風雲》、結果俾人點名嘅G.E.M.，拿拿臨拎起支結他，自彈自唱，兼擺條片上網多謝對方兼找數。

G.E.M.自彈自唱答謝秋官。電視圖片
網民讚阿姐有「骨」

呢條找數片喺前晚播出，跟住兩位前輩即場呼籲啲唱得之人上去節目，阿姐仲話：「我都發出呼籲，邀請阿G.E.M.，你經過香港，一定要嚟我哋《靚聲王》，好嗎?」就係呢句經過香港，即刻引起網民嘅討論，有人覺得點解汪明荃會講係「經過」，而唔係叫佢「返嚟香港」嗰陣，仲有人話：「其實我覺得阿姐今次夠哂精警又有『骨』囉，值得拍掌。」又有網民寫道：「阿姐都要抽一下水」、「世事都被阿姐看透了」及「人地（哋）宇宙巨gem（G.E.M.）先不屑上呢啲節目。」當然亦人覺得唔係乜嘢一回事，似乎有啲小題大做，又一次惹是非嘅G.E.M，噚日未有理啲留言，喺佢個fb貼咗張自拍相仲話：「享受能出門的時間，去哪都可以！」

撰文：馮仁昭

馮仁昭
from:http://hk.apple.nextmedia ... 150324/19087145

TOP