賭王何鴻燊四太梁安琪與長女何超盈、向華強夫婦、周麗淇、鍾欣潼（阿嬌）、汪詩詩和梁烈唯等，昨晚盛裝出席中環四季酒店舉行的「2015芭莎藝術之夜」，現場還有慈善拍賣。周麗淇爆胞姊周汶錡已回港安胎，周麗淇昨風騷穿上露腰裝曬纖腰：「我冇大肚嘛，佢（周汶錡）仲勁曬泳衣，佢雖然大肚，但冇轉口味，又冇嘔。」看見胞姊周汶錡陀得舒服，而她與內地小生徐正曦感情穩定，會否令她萌生仔念頭，周麗淇即開生仔期票：「等佢生咗先，生仔係偉大嘅任務，好恐怖，怕痛、怕『where'、如開刀又怕有疤，兩年後啦。」
周麗淇胞姊周汶錡已回港安胎，陀B沒有嘔吐。 資料圖片
周麗淇與內地小生男友徐正曦拍拖一年多，感情穩定。 資料圖片
猷亨感情空白
四房長子猷亨和女友Sabrina被前A&F男模郭子豪撬牆腳，他因開會未有現身，而四太就此事繼續耍太極：「我唔清楚，今次我為安老服務籌款，今晚有拍賣，我都係等傳媒消息（指兒子戀事）。」問到猷亨會與媽咪分享感情事嗎？四太說：「佢自己話𠵱家空白，全力以赴工作，佢一陣會嚟，你哋自己問佢。」明日是白色情人節，四太與賭王有慶祝嗎？她聽錯：「乜嘢法式，我未聽過白色情人節，又西人，又中國，開心日日都係情人節。」
此外，阿嬌透露恨拍拖，昨公開徵男友：「對方要『四正』、孝順、心地善良、有經濟能力同愛我。」談到鍾舒漫因吳浩康偷食，把他降呢為普通朋友，阿嬌說：「佢哋𠵱家係緩衝期，畀啲時間大家。」阿嬌承認也曾受小三傷害。
採訪：羅慧敏
攝影：葉君海
四太梁安琪昨爆囝囝猷亨工作為重，沒有拍拖。
阿嬌見身邊好友有著落，也開口恨拍拖。
from:
http://hk.apple.nextmedia.com/entertainment/art/20150313/19073914
