周麗淇Niki識男仔唔上心

周麗淇（Niki）昨日在灣仔出席活動，現場有男廚師為她下廚，現時仍單身的她表示家人、朋友也有介紹男性，但暫未有適合的對象，她說：「家姐有介紹，但係口味唔啱，姐夫有介紹，但都係食嚇飯。」更謂因經常工作，有時覆電話都遲，可能未有一個人可令她隨身掛住電話，隨時候命。她笑謂家姐周汶錡兒子像男友，會把腳放到她口中。

經常返內地工作的Niki賺錢不少，被問有沒有置業，她說今年沒買樓並解釋說：「我唔係年年買，只係買過一次畀阿媽住，始終都覺得貴，內地都冇買，但媽咪係上海人，想喺上海買樓，睇嚇遲啲有冇機會。」

採訪：王連連
攝影：陳志嵐
from:http://hk.apple.nextmedia ... 160427/19587387

Niki榮升老闆娘，前晚公司開周年晚會跟員工同樂。

現年36歲的周麗淇（Niki）半年前跟內地小生徐正曦的姊弟戀，因聚少離多最後分手收場。Niki投資過百萬的髮型及美容店發展頗順利，前晚在數碼港舉行周年晚會，筵開8席招待員工。

而全晚在Niki身旁的，是去年11月曾被傳媒拍到與她在北角撐枱腳的潮男Alexis Yau，雖然事後否認二人拍拖，強調只是salon生意拍檔，但這位緋聞男友前晚跟Niki一起出席晚會，Alexis穿上粉紅色恤衫和同色煲呔，去配合Niki的紅裙。二人除了大合照外，在主家席一直雞啄唔斷，又一起招呼來賓，如同預演婚禮一樣。

望業主減租

Niki前晚還邀請了圈中好友卓韻芝、王賢誌及ViuTV節目《晚吹—真PK》的主持Kevin Boy到場。晚宴8時許開始，Niki與Alexis坐在主家席，還邀請記者入場內參加晚宴。當晚除了角色扮演大獎和大抽獎外，每枱還設有個別獎項，主人家席的枱獎由卓韻芝的婆婆獲得。

【望見就笑】

周麗淇與Alexis前晚孖公仔般，秤不離砣，亦未停過交談。

【孖住迎賓】

王賢誌（左）及卓韻芝（右）現身為好友Niki撐場。

卓韻芝的婆婆（左）亦有到場，還贏得獎品。

Niki稍後接受訪問時透露近排生意還可以，她說：「我同拍檔做生意都比較低調，最緊要係有heart，近排生意唔可以講好，唔差囉。」Niki認為周年晚會的意義是激勵員工士氣，所以每年都會搞。她亦多謝圈中朋友的支持：「好多明星客支持，真係多謝佢哋。其實生意難做係一種挑戰，目標係衝出香港。」她笑言今年願望是業主不會加租之餘，希望可以酌量調低少許。

採訪、攝影：梁繼光、羅德光
from:http://hk.apple.nextmedia ... 160514/19610933