有「國際漿」之稱嘅鄧紫棋（G.E.M.）是非多籮籮，前晚佢喺美國拉斯維加斯開完騷，點知有觀眾向馮仁昭報料，鬧爆G.E.M.唱到走曬音，同埋成晚係咁講普通話，俾大部份人噓爆勁嬲，觀眾嗌：「唉！你係香港人嚟㗎嘛！」G.E.M.先至喺半場嗰時講番廣東話，點知又搞到啲內地觀眾唔滿意，真係左右做人難。
雖然俾觀眾投訴唱歌走音，但係G.E.M.前晚就好識做，以超性感造型上陣，著大deep V賣大包，仲彎低腰拋32D巨咪誘觀眾，台下紛紛伸出多隻手意圖接觸，有網友抵死留言：「請問前排的有沒有人流鼻血啊？」、「小破布遇水（汗水）縮水了」、「觸手可及的32D」。
有讀者爆料話G.E.M.走音兼講普通話，被大部份觀眾噓爆。 微博圖片
留言不會放棄
唔知係咪呢排俾人批評得多，G.E.M.噚日朝又留言：「面前的路不一定每天都是康莊大道，但只要堅持，我們還是能一直前進。踏實走每一步，過程無論多艱辛，始終會到達終點。一定不要放棄！而我是無論如何都不會放棄！」
撰文：馮仁昭
馮仁昭
from:
http://hk.apple.nextmedia ... 150224/19052241
