梁齊昕前晚忽然現身中環捧李逸朗音樂會場，十時半完騷後跟眾人到西環食雞蟹煲消夜，齊昕背著VIP房門口而坐，她面前有包煙和一支烈酒，約凌晨一時四十分齊昕離去，惟行到腳步浮浮似站不穩，要李逸朗經理人Kitty媽及藝人梁雨恩左右扶著。
梁雨恩見記者影相即放開齊昕，單靠Kitty媽扶實的齊昕行到手揈揈，記者追問左手傷勢是意外還是𠝹手？齊昕都不出聲拒回應，再問她樣子似醉是否飲了很多酒？她終開金口：「一啖酒都冇飲過，黐孖筋！」鬧完後卻向記者送飛吻，然後坐車返禮賓府屋企。
Kitty媽昨在電話大讚：「齊昕好乖好好，大方得體又斯文有禮，同事陪佢去洗手間會話唔該，佢冇覺得自己係特首女，大家食得好舒服。」問齊昕有否爭埋單？Kitty媽笑說：「冇，好醒目。」
採訪、攝影：梁繼光、潘冠恩、畢紹基
from:
http://hk.apple.nextmedia ... 150218/19046245
