港視靠網購及廣告去平衡收支，可惜如意算盤未打響，近期收視卻越跌越勁，王維基為免增大開支決定推遲再拍新劇。前日公佈的上週收視再度急挫30.48%，每日平均點播用戶由十萬零五千下降至七萬三千；而每日平均直播用戶則由十一萬七千跌至八萬九千，跌幅亦達23.9%。
關楚耀和蔡穎恩主演新劇《童話戀曲201314》被指拖低收視。劇照
《選戰》本月廿一日大結局，如今氣勢已大不如前。劇照
《童話戀曲》累街坊
《選戰》初播時氣勢如虹，但最近幾近零迴響，已甚少人談論，劇中飾演張癸龍的王宗堯，昨日在電話中直認有少少擔心，他說：「好多好多喎（跌幅），有啲出乎意料，預計十萬係底數，跌破六位數真係有啲擔心。」王宗堯建議搞多些宣傳活動，他說：「香港人咁多娛樂，一個星期播一集好易令人遺忘。其實港視可以約埋其他演員一齊睇劇或落商場做宣傳，等大家記得嚟緊就快大結局，帶動番啲收視。」同劇兩大主角李心潔和廖啟智經常不在港，可擔心獨力難支？他說：「少少啦，但會盡力。」
而被指「累街坊」拖低收視，以青春歌舞戀愛劇為主題的《童話戀曲201314》男、女主角關楚耀和蔡穎恩日前受訪，直認演技幼嫩，但蔡穎恩仍抱著希望說：「呢套劇主打年輕一代，年輕一代鍾意上網睇，遲啲點播再睇都可以。」關楚耀笑謂：「唔係㗎，我阿媽都睇㗎！」
採訪：嵐山、黃曉妍
from:
http://hk.apple.nextmedia ... 150201/19024261
