南華球星「陳七」陳肇麒今年6月在美國拉斯維加斯向𡃁模女友、MVG成員劉雅婷（Toby）求婚，有意明年拉埋天窗，據知兩人已開始籌備婚宴。可是陳七死性不改，前年有過帶𡃁模張可義（Emily）爆房前科，大前晚趁未婚妻Toby離港出埠，他偕紅唇熟女到數碼港看戲後直踩九龍塘，偷食再次斷正，Toby震怒，兩人婚禮隨即叫停。
陳七大前晚偕紅唇熟女往看戲後，兩人還開車到九龍塘。資料圖片
Naomi即劃清界線
昨日爆出未婚夫陳七偷食，Toby前一晚接獲消息後震怒即向友人表明單身。記者昨日問Toby心情和明年是否還會結婚，她只短訊回覆：「Thanks！」封嘴避談退婚，而陳七昨日在跑馬地落場比賽，他也拒絕回應偷食事件。此外，有讀者報料指陳七昨日在fb寸爆回應，他說：「係呀你由數碼港跟到我去九龍塘係咪覺得好叻呀？咁點解唔影埋入嘅？」他又解釋自己刻意去狗仔隊影相的地方並說：「點解你唔跟埋到尾呀？影埋寫埋我係自己返自己屋企呀嘛！」似乎曲線為自己澄清。
至於被邀做姊妹的𡃁模馮鎵瀠（Naomi）卻為好友Toby出頭鬧爆陳七，她昨在電話中說：「明明有個咁靚嘅未婚妻都唔珍惜。陳七呢次上刀山、落油鑊都冇用。」Naomi表示要跟陳七劃清界線，她說：「唔會再當佢係朋友。」前年跟陳七爆房的Emily前晚也短訊揶揄男方：「我唔會聯絡呢啲人啦，不知所謂，同佢講多兩句都侮辱自己人格。」
採訪：陳傑
陳七昨日在跑馬地比賽，拒絕回應偷食事件。
Naomi替好姊妹Toby出頭，鬧爆陳七。資料圖片
From:
http://hk.apple.nextmedia ... 141217/18971500
