鄭欣宜帶紋身漢探小朋友

1^# 大中小 young 發表於 2014-12-9 11:23 發短消息

鄭欣宜、胡杏兒及李幸倪（Gin Lee）昨日在沙田出席「麥當勞叔叔之家開放日暨童樂行」活動，欣宜在過去兩三年間多次在麥當勞叔叔之家做義工，探訪病童及其家人，她說：「有一年我嘅生日，叫曬啲朋友一齊去探小朋友，我覺得咁樣過生日更有意義，有啲朋友係紋身漢，佢哋都俾小朋友融化咗。」

此外，胡杏兒日前出發往外地公幹時，在機場收到一束神秘人所送的玫瑰花，即惹來眾多猜測，對此她說：「我都唔知邊個送，可能係粉絲啩。」她透露最近接了一個內地綜合節目工作，需要考一個潛水牌：「冬天至嚟考牌應該會幾辛苦，不過考到就可以去大馬潛水。」

採訪、攝影：張俊銘
from:http://hk.apple.nextmedia ... 141208/18961390

廷伸閱讀/相關主題推介:

相關主題:紋身鄭欣宜小朋友

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-12-25 11:27 發短消息

欣宜婷婷抱抱道別

婷婷同朋友食完飯要擁抱道別，欣宜就由男友車走。

【灣仔】鄭欣宜同謝婷婷兩個都係星二代，兩個人由細到大都活躍喺鏡頭前，唔知係咪因為感同身受，所以佢哋特別老友，上個星期三（17日）欣宜同婷婷約埋朋友去灣仔打邊爐，不過欣宜就唔知點解遲大到，夜晚10點幾先至同男友出現，一行大約8人食到夜晚11點幾，但臨走前互相擁抱道別都搞咗成10幾分鐘，攬完一輪婷婷先上七人車離開，欣宜就同男友一齊走。

採訪、攝影：徐錦池、羅德光
from:http://hk.apple.nextmedia ... 141223/18978113

TOP

3^# 大中小 young 發表於 2015-1-13 11:27 發短消息

欣宜繼承肥姐助護苗

欣宜聲演「護苗小女俠」替護苗基金推廣兒童性教育。

鄭欣宜最近應護苗基金之邀，為護苗教育初小課程短片，聲音演繹「護苗小女俠」一角。欣宜媽咪沈殿霞（肥姐）生前曾擔任護苗大使，對於能夠承繼母親使命，倍感意義，欣宜說：「因為要變聲去配，錄音時間比較長，配完喉嚨都有啲痛，不過有機會做呢件咁有意義嘅事，都係值得嘅，一定要堅持。」

欣宜認為小朋友須學懂性知識，才會懂得保護自己的身體，但香港社會比較保守，兒童性教育應多加推廣，她說：「外國性教育好普及，6歲時學校已經有正規性教育課程，中國人比較避忌，就係透過教育可以幫到佢哋跨過尷尬嘅感覺。」

撰文：麥萍萍
from:http://hk.apple.nextmedia ... 150107/18993511

TOP

4^# 大中小 young 發表於 2015-1-19 11:34 發短消息

欣宜代肥姐拍廣告

欣宜憶起小時候曾與媽媽拍廣告。

王賢誌代理的品牌藥品昨日在觀塘舉行發佈會，代言人鄭欣宜、嘉賓蕭定一、何猷啟及楊婉儀等均有出席。王賢誌指產品是當年肥姐沈殿霞介紹他用，現在邀請欣宜代言，欣宜說：「今次首次拍電視廣告，細個同媽咪拍過。」

蕭定一正斟洽亞視，希望購回父親於亞視製作的電視劇版權，他說：「收到消息亞視會考慮將版權賣畀我哋，我哋今日會回覆價錢。」蕭定一指交易一舉三得，可讓亞視收錢，員工有糧出，他亦收回爸爸心血，對於股東拒絕注資，蕭定一說：「佢哋注資好多錢，係時候了結，𠵱家亞視搞到好負面，啲人見到都唔想睇，我自己有錢都唔應該買。」

採訪、攝影：張俊銘
from:http://hk.apple.nextmedia ... 150117/19005426

TOP

5^# 大中小 young 發表於 2015-1-19 11:42 發短消息

欣宜怕熱拒同秋官住

欣宜接受電台訪問，透露爸爸其實好關心自己。

鄭欣宜早前接受商台節目《1圈圈星光背後》訪問，提到當年在表演時錫吳卓羲面頰，之後在香港迪士尼樂園開幕扮公主都被觀眾投訴，她說：「大家都認定媽咪想推我做明星，媽咪（肥姐沈殿霞）從來冇用關係要人畀機會我，亦冇推薦我畀主題公園，佢好討厭其他人咁諗。」她自言沒有給媽咪寵壞，最驚一次是被記者影到食煙，欣宜說：「當時媽咪冇鬧我，但佢成日冇食嘢，沈殿霞冇胃口食嘢喎！幾嚴重呀？令到我仲驚！」談到跟父親鄭少秋（秋官）的關係，欣宜覺得爸爸很關心自己，只是不懂表達，她說：「媽咪走咗之後，爸爸曾經將佢屋企鎖匙畀我，但大家生活習慣好唔同，好難一齊生活。我怕熱一定要開冷氣，但爸爸就唔開冷氣。」

撰文：李森
from:http://hk.apple.nextmedia ... 150118/19006396

TOP

6^# 大中小 young 發表於 2015-1-31 19:17 發短消息

欣宜戴Bra遊街

欣宜以型格西裝襯Bra Top拍攝造型相，是她遊意大利的最大膽嘗試。

鄭欣宜早前到意大利出席時裝店LuisaViaRoma舉行的活動，並且試了店內的造型實驗室，打造出四款不同造型，其中她最喜歡以黑白條紋西裝、黑白尖頭高踭鞋配襯金色手袋的女強人look。

欣宜在當地接受多間外國雜誌訪問，她表示女強人打扮很配合新歌的主題，她說：「我相信如果喺一年前要着住呢套衫，我一定唔夠膽企喺條街，仲要係旅遊景點，仲要有好多遊客喺度，就咁着個bra周圍走，但係我覺得呢次好似代入一個角色咁去演。」另外她還試了一套花裙復古造型，她認為一個人瘦或肥都好，都要有個人的風格。

撰文：李森
from:http://hk.apple.nextmedia ... 150130/19021643

TOP

7^# 大中小 young 發表於 2015-5-24 20:24 發短消息

鄭欣宜逼爆衫益街坊

欣宜默認與男友分手，目前屬好友關係。

鄭欣宜昨日以大使身份在油塘出席新城活動，她透露昨早在髮型屋整頭發生大件事：「我諗住拉一拉件衫，點知件衫爆開咗，成件衫揭開咁，間房有三個男士，佢哋應該望唔到，最慘係搵唔到扣針。」問她是否大到逼爆衫？她笑說：「唔只上圍，全身都好Big爆。」問她是否想送大包？她笑言驚嚇走所有人。

欣宜透露未知是否要與側田在個唱跳辣身舞，並笑說：「我唔介意，佢辛苦啲，可能要托起我。」至於被指與攝影師男友分手，欣宜只說現在好開心，一直都沒證實過拍拖，與對方只是好友，是否對方嫌棄其身形？她說：「我所有朋友見唔到我肥妹，覺得我性格好正。」

採訪、攝影：溫敏芝
from:http://hk.apple.nextmedia ... 150523/19157165

TOP