鄧紫棋（G.E.M.）自從喺內地爆紅後，是非同新聞都有增無減，啱啱先至傳佢畀內地封殺，將佢撥入嚴控類，估唔到一波未平一波又起，有網民發現佢最近嗰張演唱會海報疑似露點。
李彩華之前試過喺廁所玩自拍露點，事後急急刪相。資料圖片
網民放大研究
G.E.M.呢張海報其實已經公開咗一段時間，直到日前因為演唱會加場，先有網民留意到喺張海報入面著低胸小背心嘅G.E.M疑似露點，當然即刻就畀網民瘋傳啦！喺張海報入面，G.E.M.做咗一個揸住咪、高舉右手嘅動作，呢個動作除咗令佢右邊胸部升高咗，小背心亦向下滑落，的確係有露點疑雲，有網民好認真咁放大張相研究，再留言肯定G.E.M.露點。不過，馮仁昭噚日打電話問佢公司，佢公司發言人就堅稱：「只係頭髮嘅陰影。」
過去都有唔少藝人唔小心走光，當中包括李彩華同謝芷蕙（Cammi）自拍走光相，不過如果G.E.M.今次真係露點，影海報走光都唔知嘅藝人，睇怕佢都係第一個，但海報出曬街，𠵱家除咗唔認之外，真係唔知可以點做。
撰文：馮仁昭
馮仁昭
from:
http://hk.apple.nextmedia.com/entertainment/art/20141205/18957791
