鄭中基陪余思敏產檢

1^# 大中小 young 發表於 2014-12-5 20:34 發短消息

相關主題: 鄭中基

鄭中基昨日陪懷孕太太余思敏到中環產檢。

鄭中基（Ronald）3個月前自爆太太余思敏懷有第二胎、為鄭家添丁的好消息，得知太太再度懷孕，Ronald盡顯好老公本色，悉心照顧。昨日他抽空陪老婆到中環產檢，約下午4時半，Ronald夫婦步出萬年大廈，見到突然有記者在場，Ronald顯得有點愕然和黑面，向記者直認陪太太產檢。近日天氣開始轉冷，為免懷孕期間著涼，余思敏亦穿上大衣，又經常以大衣遮肚，看來有點避忌。兩人在大廈外等了約3分鐘，一輛七人車駛到，二人匆匆上車離開。

採訪、攝影：羅德光
from:http://hk.apple.nextmedia ... 141203/18955577

廷伸閱讀/相關主題推介:

相關主題:鄭中基

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-2-17 13:05 發短消息

鄭中基陪產六磅兒子

鄭中基昨晚重回醫院探望產子的太太。

四十二歲鄭中基（Ronald）昨日再榮升爹哋，太太余思敏（Sammie）昨日為他剖腹誕下一名男嬰，連同三歲半女兒Emma，剛好湊成一個好字。

昨日一早Ronald跟太太去到跑馬地養和醫院陪產，太太產子後Ronald回家梳洗，下午三時許再趕回醫院，身邊還帶備大袋非常專業的攝影器材，相信是為兒子充任攝影師。Ronald在醫院門外受到記者的祝福，Ronald猛說：「多謝，多謝。」心情靚絕的他受訪說：「囝囝出世重六磅八。」

約九時他又現身醫院大堂，他說：「落嚟透透氣啫！今晚會喺醫院過夜。」他表示囝囝未改名，重任留給爺爺。

採訪、攝影：黃曉程、楊浩賢
from:http://hk.apple.nextmedia ... 150213/19039775

TOP

3^# 大中小 young 發表於 2015-2-17 13:11 發短消息

鄭中基全日留院護妻兒

鄭中基（小圖）前日添丁，鄭東漢帶同孫女到醫院合家歡。

前日再度榮升爹哋的鄭中基（Ronald），太太余思敏（Sammie）剖腹誕下一名男嬰，與三歲半的女兒Emma湊成一個好字，未知Ronald是否全程留在病房陪着太太和囝囝，直至昨日下午都未見他現身醫院門外，反而身穿黑色風褸、着牛仔褲的爺爺鄭東漢，在下午一時多拖着孫女Emma現身，兩爺孫一齊戴上口罩，問鄭東漢是否已經幫孫仔改名？鄭東漢說：「未有時間改，我覺得孫仔爸爸（Ronald）多啲。」至於會否叫Ronald繼續努力生多一個？他則表等他們自己決定，接着便抱孫女Emma上車，離開醫院。

採訪、攝影：李志明、譚倩宜
from:http://hk.apple.nextmedia ... 150214/19041253

TOP

4^# 大中小 young 發表於 2015-4-10 15:49 發短消息

鄭中基狂呻湊女冇得瞓

鄭中基、鄭伊健、何超儀同謝君豪等，前晚喺灣仔出席電影《全力扣殺》慈善首映禮，胡杏兒男友Phil亦有捧場，不過見到攝影鏡頭就走夾唔唞。

杏兒男友阿Phil一見記者狂拍即閃。

徐濠縈帶着女兒康堤，與蘇永康夫婦一同捧場。

林敏驄講有味笑話

做咗第二任爸爸冇耐嘅鄭中基單拖到場，原來老婆余思敏喺屋企湊B，佢仲話湊B一啲都唔過癮，因為自己負責夜更，而且個陪月走咗佬：「唔搵喇！又要面試，是但搵個人嚟又唔知邊個，搵唔到不如自己湊。」但佢就狂呻話：「BB瞓咗好難掃風，但係抱個幾鐘後又食過，真係冇得瞓，今晚老婆頂住先。」

老婆蒙嘉慧（YoYo）都一樣冇嚟撐老公，成班男人認真失威，伊健死撐話：「點解YoYo要嚟？佢（超儀）老公都冇嚟，佢（鄭中基）老婆又冇嚟。」不過之後佢再解釋：「我哋包咗場，要等一個月，套戲5月先上。」老友陳小春話同伊健食飯，伊健淨係得「哦、唔」兩個發音，完全係啞嘅，伊健即刻好型仔咁話：「每個人有唔同嘅路。」另外，林敏驄在場公然叫謝君豪做「射精豪」，佢哋話呢個係謝君豪嘅普通話發音。

撰文：馮仁昭

馮仁昭
from:http://hk.apple.nextmedia ... 150408/19104065

TOP