黃子華前晚在紅館演出棟篤笑《唔黐線唔正常》吸引陳奕迅、古巨基與太太Lorraine、梁漢文、蘇永康、雷頌德等捧場，子華還在台上孭起木結他自彈自唱，但揮灑自如的他也有不慎老貓燒鬚時，他唱完一段歌後突然問台下觀眾：「鄭敬基坐喺邊？做乜唔拉住我？」觀眾左望右望尋人，子華又說：「Ronald，做乜唔拉住我？係，係鄭中基，鄭中基坐喺邊？」原來他將鄭中基說成鄭敬基。
黃子華在騷上表現落力，期間更自彈自唱，盡騷才華。
騷上，子華提到在場的陳奕迅說：「我老友阿強去唱K，同成班女仔去呢，就唱陳奕迅，冧女嘛！冇就唱黃子華，好畀面呀！但阿強今次做唔到決定，因為得一個女仔，個樣仲要係陳奕迅咁，佢即刻唔知揀咩歌！」觀眾席上的陳奕迅與父親陳裘大笑得開懷。黃子華用近年不少娛圈熱話做棟篤笑題材，如提到韓劇《來自星星的你》時他說：「女人想要（男主角）都敏俊，有一個男人擁有四百年嘅財富，樣又後生，最緊要層樓一定供曬，四百年喎，每日供五毫子，我都供到啦！」提到日本女星蒼井空，子華又笑言：「我真係唔知蒼井空係乜嘢嚟，仲以為係雀仔名，又蒼又空，幾似雀仔。」
眾多紅星特地捧子華開騷，還成為子華的棟篤笑材料。
黃子華
From:
http://orientaldaily.on.c ... /00282_009.html
