「樓呢，自己儲錢買」鄧麗欣寸爆Mandy Lieu

鄧麗欣（Stephy）前晚去咗九展星影匯，出席新歌《戒心》MV嘅微電影首映，MV內容講Stephy精神失常，因為想留住男友，所以殺咗佢。片中有男人半裸倒吊，又有Stephy浸「血浴缸」畫面，雖然血浴只係由紅酒加水做出嚟，但因為意識血腥，結果俾電檢署評為三級，就係咁Stephy就做咗三級女星喇！

Stephy浸「血浴缸」畫面意識血腥，結果MV被評為三級。

Stephy暗寸Mandy Lieu收洗米華送嘅豪宅。

資料圖片
拍浸血浴凍到震

Stephy話拍浸血浴嗰場戲好凍，凍到佢成個人震曬。拍得咁辛苦，馮仁昭問佢會唔會叫呢排好鍾意送樓畀人嘅老闆周焯華（洗米華），送番層樓畀佢獎勵一下？Stephy即刻笑曬口咁話：「咁又唔使，獎勵嘅話幫我宣傳多啲就得喇，樓呢，自己儲錢買。」咁Stephy咪即係暗寸Mandy Lieu自己唔儲錢買樓？

至於老友Miki（楊愛瑾）不斷傳婚訊，Stepty話冇問Miki，因為都係傳聞，佢自己都傳過好多次，仲話如果係真Miki自然會講：「如果係真會同我講，佢唔講我嬲㗎！」但之後Stepty又話大家要畀啲空間Miki，覺得感情嘅嘢都係睇緣份，緣份到就會結。

撰文：馮仁昭

馮仁昭
from:http://hk.apple.nextmedia ... 141128/18949985

Stephy隔空回應小方，說想生兩個BB。

鄧麗欣（Stephy）昨日在銅鑼灣出席柯尼卡綠色音樂會，擔任活動大使，又提到環法單車賽，Stephy表示曾經有一段時間很喜歡踩單車，她說：「都係受小方（方力申）影響，屋企整晒裝備，好有型㗎！不過𠵱家冇踩，放咗喺度。」

早前小方接受訪問時，表示希望組織家庭，生一女兩子，Stephy笑住回應說：「佢想就有咩！三個好難，𠵱家呢個時勢好難照顧，我自己覺得兩個就夠，佢係雙魚座，幻想派，現實其實好難實現。」Stephy更大膽提議小方可以考慮自己生，她說：「不如叫佢試吓，佢之前講過話想試，佢做咁多運動，隨時準備好。」被追問幾時生第一個，Stephy表示不排除未婚懷孕，最緊要二人有共識。

採訪：王連連
攝影：沈健程
from:http://hk.apple.nextmedia ... 141129/18951265