已有三年沒有合作的陳慧琳（Kelly）和古天樂，昨日在機場富豪酒店再碰頭拍攝微電影，今次兩人在片中扮演夫妻，見到Kelly右臂有點瘀痕，問她是否拍動作場面時弄傷，她說：「我生蛇呀，其實成個禮拜之前，醫生話細個生過水痘，剩番啲菌喺身體入面引致。」在旁的古仔即作狀避開，他解釋自己只是驚訝，並透露早已注射疫苗，不過未有出過水痘。Kelly伸一伸脷兼展示掌心的紅點說：「你唔掂到呢個位置就得，我黐咗膠布，𠵱家只係唞一唞，其實已經凋謝，放心！」古仔即稱不擔心：「醫生話係免疫系統有問題引起，我成日出埠，醫生畀定好多抗生素我。」
著長袖免傳囝囝
問到Kelly會否要自我隔離，避免與兩個兒子接觸？她說：「大仔打曬針，細仔就爭一針，佢哋九成以上唔會中招，而且我喺屋企貼曬膠布，又著曬長袖衫，𠵱家成日好似觸電咁，本來仲以為係做運動太多隻手太攰，但係因為太恐怖，所以咪睇醫生。」Kelly笑說：「幾年前同古仔合作就生仔，今次就生蛇。」古仔則笑說：「今次就扮夫婦，佢（Kelly）就嚟開酒家㗎喇，咁鍾意賣點心」。
採訪：藍文浩
攝影：陳順禎
Kelly透露手掌也有生蛇的紅點，在家更要貼膠布及穿長袖以免傳染。
古仔與Kelly相隔三年再合作，於微電影中扮夫妻。
from:
http://hk.apple.nextmedia ... 141115/18935421
