昨日何佩瑜（Jeana）、袁嘉敏、小白、梁敏儀、唐紫睿，還有男主角何浩文（Dominic）抵住轉涼了的天氣，在西貢一艘價值4,000萬的遊艇上為《鴨王》進行開鏡拜神切燒鴨儀式及外景拍攝，一班女演員均穿上三點式泳衣在船上行來行去，十分養眼。Dominic亦不執輸，穿著平腳泳褲的他，驚現巨鵰，相當搶鏡，巨鵰更吸引Jeana視線，數度狂𥄫。
Dominic裝假狗曬巨鵰，Jeana都忍不住觀賞。
袁嘉敏身上散發一股80年代性感女星的味道。
Dominic恨戰魯芬
Dominic的巨鵰成為焦點，他直認是為了角色裝假狗，他說：「係加咗嘢，戲名叫巨峰，不過係冇提子嗰隻，全世界係得我有，係好唔慣同好唔方便，𠵱家就咁企喺度要擘大對腳，坐低又卡住，去廁所又麻煩，以前係過一關，𠵱家要過幾關。」
Dominic表示巨鵰並不是想像中實用，他說：「好焗，所以準備爽身粉，呢個尺寸比自己大太多，自己本身夠用就OK，𠵱家分畀好多人用都得，𠵱家就算發夢見到都驚。」
Dominic透露在戲入面會跟不同年齡國籍的女士肉搏，他說：「會同唐紫睿，又有鬼妹，上圍豐滿嘅，最特別係同阿婆，我都唔知幾時開始膽生毛，一埋位就亂嚟，唔會尷尬。阿婆應該見慣世面，睇佢個樣係專業演員。」雖然嘗到不同的女士，Dominic心中最愛竟然是魯芬BB，他說：「自己本身想魯芬BB拍，知道佢冇好失望，佢係我女神。」
唐紫睿跟何浩文有一場床上肉搏戲。
《鴨王》一眾演員昨日冒住寒風穿上泳裝在遊艇上切燒鴨拜神。
爆前男友偷食
Jeana在戲中怕男友偷食，所以經常跟蹤監視男友Dominic，現實生活中Jeana都試過提心吊膽的日子，她說：「現實男友試過偷食，我揀隻眼開隻眼閉，不過始終有條刺，都係分手收場。」Jeana被問到是不是大家認識的人，她說：「唔知呢！不過嗰時我係入咗行，因為嗰時有咁嘅經歷，以後唔拍拖喇！因為最近迷上咗哥哥（張國榮），為咗佢可以唔結婚，佢係我心目中老公。」
採訪：譚倩宜
攝影：陳慧安
from:
http://hk.apple.nextmedia.com/entertainment/art/20141104/18922483
