文詠珊（JM）、馬詩慧與大女王曼喜及周汶錡昨日現身中環，出席法國首飾品牌dinh van活動，JM更自選了黑白鑽設計的戒指裝身。問到她有否收過以前男友送的戒指？她笑言：「冇收過首飾，戒指係好大意義，唔敢收，以前男友都係送配飾多。」JM將會首次返內地拍劇《畢業歌》，她表示：「會拍到年尾，至少過埋我生日，我已經搵定老師教我講對白，個角色係演大家閨秀，係跨年代，所以呢排都睇好多電影做參考，當中有《花樣年華》，張曼玉係一個經典。」
周汶錡透露早年老公已送此品牌戒指來追求她。
馬詩慧（右）與大女王曼喜齊齊盛裝出席活動。
JM會參考張曼玉在《花樣年華》的經典角色取靈感。 資料圖片
「陳柏熹緋聞唔係真」
問到她拍劇酬勞會否吸引，會否有五位數字一集？她笑言：「睇劇本角色，酬勞係好好，套劇有40集，我都佔咗30集戲份。」記者揚言不少香港女藝人返內地拍劇也覓到另一半，甚至結婚，她即笑言：「呢啲隨緣，返到去實識到朋友，無咁快諗到，不過唔排除。」
提到緋聞男友陳柏熹（Harris）與何嘉莉的緋聞，她表示：「有人問過我，知我同Harris好朋友，Harris又同何嘉莉幾好朋友，我覺得唔係真，係傳聞。」此外，周汶錡與外籍老公Julien剛慶祝結婚週年，問到有否增加情趣造人：「好積極，本來都唔緊張，𠵱家多人問，暫時唔使情趣，努力啲、勤力啲就OK。」
採訪：盧妹
攝影：葉君海
From:
http://hk.apple.nextmedia ... 141017/18902298
