軒仔張敬軒金咪迎個唱，封深水埗Beyonce

1^# 大中小 young 發表於 2014-10-18 14:09 發短消息

相關主題: 張敬軒

張敬軒前晚為下週五舉行的演唱會綵排，並出動了一支價值20多萬元、由廣告商贊助的「金咪」，而美國天后Beyonce亦有一支，軒仔被指升呢國際級，抵死的他即笑指自己是「深水埗Beyonce」。

張敬軒抱病上陣拍攝新碟封套。

張敬軒將於下週五（24號）起假紅館舉行一連三場的《LIVE IN PASSION HINS張敬軒演唱會2014》，前晚軒仔以一身黑Look出席綵排，手持金咪的他說：支咪係廣告商喺德國整畀我，每個地區只得一個歌手用一種顏色，美國代表係Beyonce。（你地位同Beyonce睇齊？）唔係，我係『深水埗Beyonce'。」

三嘉賓助陣
談到演唱會，軒仔透露邀得三位神秘嘉賓助陣：「今次打友情牌同碌爆人情卡，三場都係呢三位嘉賓，成個騷係有故事性，唔係佢哋表演時我去換衫。」

軒仔前晚綵排用的金咪，美國天后Beyonce亦有一支。

為製造效果，工作人員要在軒仔面前撒彩色粉末。

軒仔續說，今次個唱是他自編自導自演，亦準備了場刊派給歌迷，對於個唱宣傳活動較少，軒仔承認說：「票房理想，加上呢輪又咁多事，有啲宣傳叫停咗。」至於有傳軒仔不續無線歌星合約，他說：「我都唔知幾時約滿，要問番公司。」他又表示很獲無線重視。

狂索彩色粉
另外，軒仔為配合個唱將推出新專輯《Morph》，日前他抱病上陣拍攝封套，為製造效果，工作人員要在軒仔面前撒彩色粉末，搞到軒仔喪吸，睇完效果的他謂：「索咁多粉都抵。」

採訪：音樂組
From:http://orientaldaily.on.c ... /00282_016.html

廷伸閱讀/相關主題推介:

相關主題:張敬軒

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-10-19 01:25 發短消息

軒仔寸無綫行封閉政策

支持公民抗命的軒仔，慘被網友罵漢奸及走狗。

張敬軒前晚在紅磡綵排個唱，對於同屬英皇的容祖兒和Twins不再續簽無綫歌星約，軒仔說：「要問番公司，今年有好多TVB大騷，自己都有做，收合約歌星報酬。」他又重提當年四大事件，表示歌手唱歌只可唱分半鐘，化妝整頭都是自費，8、9年前收一百元利是，後來連利是都取消，軒仔又暗寸無綫說：「一間咁大、資歷又深嘅電視台，唔可以只靠自己公司歌手。」而他更恭喜香港電視下月開台。

軒仔又表示支持學生公民抗命，直斥政府手法：「我覺得政府處理唔夠好，唔使激到大家引發咁多矛盾。好似有啲政府背景傳媒，當佢報道一啲藝人諗法時，就會變得政治化，藝人支唔支持都好，都唔想見到香港唔好，亦唔想見到市民受傷。我都冇上一輪微博，因為啲人話我漢奸及走狗，呢啲係好嚴重字句，不過公道自在人心。」

採訪、攝影：黃曉妍
From:http://hk.apple.nextmedia ... 141016/18901263

TOP

3^# 大中小 young 發表於 2014-10-21 11:37 發短消息

軒仔開騷賣感動，提fans拎定紙巾

張敬軒昨日為周五假紅館舉行的《LIVE IN PASSION HINS張敬軒演唱會2014》綵排，在十多名Dancer伴舞下又唱又跳，他表示為個唱消瘦了十磅：「因為自己畀咗好多意見，用腦多過用聲。今次舞台會有好多機關，仲有魔術環節，所以唔係一個演唱會，係一個騷。」他又向三位女嘉賓道歉：「佢哋連獨唱嘅機會都冇，會係嗰一part嘅演員。同埋要提醒fans帶定紙巾入場，因為有一部分好感動，我同dancer每次都喊到豬頭！」

將開騷的軒仔指有感動位，提醒fans帶定紙巾入場。

講到林峯「賣身」英皇，軒仔表示早已知情：「都知咗一段時間，其實好順理成章，之前喺公司有好成績，又係內地燙手山芋。」

軒仔綵排時表現落力。
from:http://orientaldaily.on.c ... /00282_030.html

TOP

4^# 大中小 young 發表於 2014-11-8 10:58 發短消息

軒仔古靈精怪買木兜

張敬軒拎起放大鏡對鏡頭扮鬼扮馬。

撐佔中、反暴力嘅張敬軒上個月底喺紅館完成一連三晚嘅演唱會之後，暫時都喺休養生息中。前日傍晚5點，軒仔就出動去中環歌賦街濕平，一落車就入咗好多明星都好鍾意幫襯嘅家品店Homeless。喺入面軒仔好似返咗屋企咁，對每一處地方都好熟悉，仲同店員有講有笑。當佢發現有記者嘅時候，就整古作怪攞起放大鏡扮鬼扮馬，最後佢買咗一個木兜後畀錢離開。

採訪：楊浩賢、潘冠恩
from:http://hk.apple.nextmedia ... 141108/18927300

TOP

5^# 大中小 young 發表於 2014-11-28 13:46 發短消息

張敬軒擔心頒獎禮冷清

張敬軒表示若年底頒獎禮缺少陳奕迅、容祖兒等，會令頒獎禮失色。

張敬軒昨日在商台宣傳新碟，他表示對年底頒獎禮都有信心，提到有指陳奕迅、容祖兒及李克勤不再出席頒獎禮，因覺得沒有意思，軒仔說：「其實我覺得係好意，佢哋係每一年嘅大贏家，到某一年畀啲機會我哋後浪，老實講做咗幾個頒獎禮記者會，得我哋呢啲坐喺前面，個心唔係咁踏實，有佢哋喺度個心定好多，場面會好睇好多，我哋做後輩需要佢哋帶住，我個人好希望佢哋繼續出席。」

軒仔坦言如果大師兄、師姐缺席會令頒獎禮失色，問他會否問祖兒？他說：「祖兒年底好似忙演唱會走埠，其實每年頒獎禮都有啲尷尬，因為係搵食嘅黃金檔期。」

採訪、攝影：溫敏芝
from:http://hk.apple.nextmedia ... 141128/18949949

TOP

6^# 大中小 young 發表於 2014-12-3 20:42 發短消息

軒仔收恐嚇信累街坊

軒仔表示收到粉絲五花八門的禮物，連頭髮都有。

張敬軒昨日在九龍灣舉行新碟《Morph》簽名會，獲粉絲送上大型氣球，刺破氣球後灑出大量皺紙，寓意他蛻變成功。軒仔透露日前在廣州出席歌迷聚會收到很多禮物，類型各式各樣，連頭髮都有：「幾日前收到頭髮，六、七年前都收過，不過嗰次附帶埋一封信，內容話我似佢男友，呢份禮物冇keep到，因為唔知乜由來。」

軒仔表示自從寓所地址曝光之後，經常收到粉絲信件，其中有些是帶有恐嚇及騷擾成份，他說：「啱啱就收到八封信，仲要寄埋畀我啲鄰居，公司都考慮報警，搬就唔會，聽啲女星講收過用過嘅紙巾，我呼籲折現畀我得喇。」

採訪、攝影：卓寶花
from:http://hk.apple.nextmedia ... 141201/18953339

TOP

7^# 大中小 young 發表於 2014-12-5 20:24 發短消息

軒仔唔想再有流血事件

張敬軒希望政府與學生可以和平理性商討政制的發展。

張敬軒昨日在九龍城出席師妹許靖韻（Angela）的新碟發佈會，對於前晚市民遭警方驅趕，他希望政府建立一個和平理性的溝通平台：「得就得，唔得就好好哋去傾跟住落嚟嘅政制點發展，唔好耐唔耐又出流血事件。」

另，杜汶澤昨於facebook借曼德拉的名言來撐學生：「如果天總也不亮，那就摸黑過生活；如果發出聲音是危險的，那就保持沉默；如果自覺無力發光的，那就別去照亮別人。但是不要習慣了黑暗就為黑暗辯護；不要為自己的苟且而得意洋洋；不要嘲諷那些比自己更勇敢更有熱量的人們。可以卑微如塵土，不可扭曲如蛆蟲。」

採訪、攝影：黃曉妍
from:http://hk.apple.nextmedia ... 141202/18954485

TOP