名模莊思敏（Jacquelin）向來精明，昨日她出席鐘錶店開幕時直指名錶具升值潛力，值得收藏，她之前自掏腰包購買的一枚數十萬元名錶，買錶當日已升值一成，果然獨具慧眼。
名模莊思敏向來有收藏腕錶的嗜好，因為覺得腕錶保值。
名模莊思敏（Jacquelin）昨日現身萬希泉香港首間專門店開幕典禮，同場嘉賓包括藝人顧紀筠、導演王晶女兒王子涵、藝人楊卓娜等。Jacquelin透露向來有收藏腕錶的嗜好，因為覺得腕錶保值，尤其推介陀飛輪，她笑言：「《陀飛輪》，歌都有得唱啦，以前就真係唔容易買到，我聽阿爸嗰輩講，一隻陀飛輪至少都十幾萬或者百幾萬，但依家愈嚟愈多品牌出陀飛輪，幾萬蚊都買到，可以作為入門，男士無乜首飾可以戴，買錶幾好。」問她是否已「入門」﹖她笑言已入陀飛輪門，擁有兩枚數萬元的陀飛輪腕錶，至於最昂貴的一枚手錶，Jacquelin稱約值數十萬，並自誇購買首天已告升值：「隻錶都幾難搵，係限量版，我買到隻錶當日，有朋友已經話肯畀多10%嘅價錢同我買咗隻錶，不過我冇賣，因為唔捨得。」至於有否男士送過名錶給她？她說：「咁又冇，因為男仔多數送首飾或者手袋畀我，如果我做嘢做得辛苦，都會買錶嚟獎勵嚇自己。」
楊諾思支持本地創作
同場還有英皇鐘錶珠寶主席楊諾思，她透露年前已很留意此品牌，並大讚說：「佢係本地牌子，好難得做到咁嘅成績，我哋要支持本地創作，佢哋好有心，而且創辦人既年青又有創作力，本地能設計到一隻陀飛輪好值得鼓舞，無論將來能否合作，都好欣賞佢哋。」
王子涵以盛裝出席活動，高貴大方。
楊卓娜
顧紀筠戥兒比賽緊張
至於顧紀筠與兒子陳浚霆結伴到場，提到兒子入圍《超級巨聲4》，她笑言錄影當日她緊張到不得了：「原來做觀眾係好辛苦，尤其係做參賽者嘅家長，因為個鏡頭成日對住你。囝囝十幾歲已經想做歌手，不過我叫佢讀完大學再出嚟捱嚇先。其他嘅參賽者好勁，如果囝囝輸咗都係非戰之罪。」
楊諾思全力支持本地創作，並直言很欣賞此品牌。
顧紀筠與兒子陳浚霆結伴到場。
文：名人組
From:
http://orientaldaily.on.c ... /00282_040.html
